Cristiano Ronaldo yahishuye amagambo akomeye yabwiwe n’umwana we nyuma yo kwegukana Ballon d’Or, benshi baratungurwa.

Kuwa Kane w’iki cyumweru turimo gusoza nibwo  Rutahizamu w’ikipe ya Real Madrid, Cristiano Ronaldo yegukanye Ballon d’Or ku nshuro ye ya gatanu,maze ahita aca agahigo ko kunganya na mukeba we, Lionel Messi umaze kwibikaho Ballon d’Or ubugira gatanu.

Cristiano Ronaldo aganira n’itangazamakuru nyuma yo gutwara iki gihembo yatangaje ko umuhungu we, Cristiano Ronaldo Jr w’imyaka irindwi yamubwiye ko na we yifuza kuzaba umukinnyi mwiza nka Se nakura ndetse ngo agatwara Ballon d’Or nyinshi.Cristiano yagize ati:”Nibona cyane mu muhungu wanjye kandi si uko ari njye wamubyaye ahubwo ni ukubera ko yambwiye ko azaba umukinnyi mwiza akanandusha. Ambwira ko azatwara Ballon d’Or ndetse zigera muri eshanu.Kera nanjye narotaga ko nzatwara imwe gusa,ariko nkumva ko bigoye.Kuva ubwo natwaraga iya mbere nahise numva ko bishoboka no gutwara indi.”

https://www.instagram.com/p/Bcekul0F5CU/

Ubwo Cristiano Ronaldo yabazwaga uko yiyumva iyo atekereje ko kuri ubu anganya Ballon d’Or na Messi bahora bahanganye,yatangaje ko ibyo ntacyo bimubwiye kuko ngo ibyo akora byose abikora ku giti cye,kandi ni we ubiharanira atarebye ku bandi.

Yagize ati:”Nta kintu mbitekerezaho cyane, nubwo bishoboka.Ni njye wiha akanyabugabo ndirwanya nkanatsinda ku bwanjye.Igihe cyose mba nshaka gutsinda no kuba umukinnyo mwiza cyane.Ni ngombwa guhatana.”

 

No Comments Yet

Comments are closed

INSTAGRAM

Ikinyamakuru cyambere mu imyidagaduro mu Rwanda,

FOLLOW US ON

Kwamamaza