Diamond yongeye gushyamiranya bikomeye abagore babyaranye nawe.

hanze Ibigezweho

Diamond yongeye guteza umwiryane hagati y’abagore be babiri babyaranye nawe aribo: Hamisa ndetse na Zari nyuma y’uko yitabiriye ibirori by’isabukuru by’umwana yabyaranye na Mabetto ntiyitabire iby’uwo yabyaranye na Zari muri Afurika y’Epfo.

Mu minsi ishize umukobwa wa Diamond na Zari, Princess Tiffah yagize isabukuru maze Diamond amwifuriza ibyiza abinyujije ku rubuga rwe rwa Instagram ndetse ibi yanabikoze ku muhungu we na Hamisa Mobetto, aba bana bagize isabukuru mu bihe byegeranye cyane, Diamond akaba yaritabiriye ibirori by’umwe gusa muri bo.

Ku itariki 6 Kanama nibwo umukobwa wa Zari na Diamond agira isabukuru. Diamond akaba yaranyujije ubutumwa kuri Instagram ye akifuriza ibyiza uyu mukobwa we akamuhamiriza ko amukunda ndetse atanashobora kurara atamutekerejeho. Uyu mubyeyi ntiyigeze ajya kwizihiza isabukuru y’uyu mwana we, gusa yemeye gutegera abantu 30 barimo Wema Sepetu indege bakajya muri Afurika y’Epfo mu birori by’isabukuru y’umukobwa we gusa zari arabyanga.

Ejobundi rero tariki ya 8 Kanama 2018 .Nibwo umuhungu wa Diamond na Hamisa Mobetto yagize isabukuru maze Diamond abinyuije ku rukuta rwe rwa Instagram nawe amwifuriza ibyiza birimo no kuzaba umunyamuziki nka se nakura. Mu buryo butunguranye uyu mugabo yagaragaye mu birori byo kwizihiza isabukuru y’umwaka umwe y’umuhungu we Dylan ndetse akaba yagiranye ibihe byiza n’umwana we ndetse na Hamisa Mobetto, benshi mu bakurikirana uyu munyamuziki bakaba bahise babifashe nk’aho yagaragaje uruhande aherereyeho hagati y’aba bagore babiri yatejemo umwiryane.

Diamond yakoreye ibirori bikomeye umwana wa Hamisa.

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *