Dore abakobwa b’ibizungerezi bigeze kuvugwa mu rukundo n’umuhanzi King James (amafoto)

Hashize iminsi bivugwa ko umuhanzi ,King James yerekeje muri Leta Zunze Ubumwe z’Amerika ndetse nyuma yo kugerayo hahise hagaragara ifoto ari kumwe n’umukobwa w’ikizungerezi wavugishije abatari bake aho bivugwa ko ariwe bagiye kurushingana mu minsi ya vuba.Mu myaka yashize uyu muhanzi yakunze kugenda agarukwaho cyane, aho yagendaga avugwa kuba mu rukundo n’abakobwa batandukanye b’uburanga buhebuje.

Dore urutonde rw’abakobwa bavuzweho gukundana na King James mu myaka yashize:

1.Princess Priscillah

Uyu muhanzikazi kuri ubu ubarizwa muri Leta Zunze ubumwe za Amerika yavuzweho gukundana na King James ahagana mu myaka ya 2011-2012.Urukundo rw’aba bombi rwaravuzwe cyane, ndetse rimwe na rimwe King James akajya kureba Priscillah muri Amerika kugeza nubwo amushyize mu mashusho y’indirimbo ye.

2. Butera Knowless

Butera Knowless kuri ubu wamaze kurushingana na Producer Clement na we yavuzwe cyane ko yakundanaga na King James, ubwo Knowless yari amaze gutandukana na Safi Madiba na we bakanyujije.King James na Butera Knowless bakundaga gusohokana cyane ari nabyo byatumaga benshi bashimangira ko bakundana, ndetse byigeze kuvugwa ko impamvu King James yasezeye muri Kina Music ari uko Clement yaramaze kumutwara Butera Knowless.

3. Meek Rowland

Meek Rowland ni umuhanzikazi nyarwanda ubarizwa muri Leta Zunze Ubumwe z’Amerika, uyu nawe yigeze gushyira hanze amafoto yishimanye cyane na King James maze benshi batangira guhwihwisa ko aba bombi bashobora kuba bari mu rukundo rw’ibanga, gusa mu bisobanuro King James yatanze yavuze ko ngo bahujwe no gufata amashusho byonyine.

4. Ishimwe Elcy

Uyu mukobwa na we yavuzweho cyane kuba umukunzi wa King James ndetse n’inshuti zabo zikajya zihamya neza ko bakundana, ibi byatewe n’uko ngo King James yakundaga gusura cyane uyu mukobwa ku ishuri ubwo yigaga mu mashuri yisumbuye.Gusa byaje kurangira uyu Elcy ashyize hanze umusore mushya bakundana ndetse batangaza ko bagiye gukora ubukwe mu minsi ya vuba.

Loading...