Loading...

Dore bamwe mu bahanzikazi nyarwanda bakundwa n’abatari bake bitewe n’ibikorwa byiza bazwiho.

Ni kenshi usanga abahanzikazi nyarwanda bakundwa n’abantu batari bake, ahanini bashingiye ku bwiza bwabo, ikimero, amajwi meza bafite cyangwa se imyambarire yabo ituma bagaragara neza mu mbaga y’abafana babo, ndetse hakaba n’abandi bigaragaza muri rubanda binyuze mu bikorwa bitandukanye by’urukundo bagenda bakora.Ni muri urwo rwego tugiye kurebera hamwe bamwe mu bahanzikazi nyarwanda bagenda bigarurira imitima ya benshi bitewe n’ibikorwa byiza bakora.

1. Da Queen

 

 

Da Queen ni umwe mu bahanzikazi bakomeza kugenda bakundwa n’abantu batari bake bitewe n’ibikorwa byiza bakora, by’umwihariko gufasha abana bo ku muhanda.Da Queen yamenyekanye cyane mu ndirimbo Akandiko yakoranye n’umuhanzi Riderman

2.Jody Phibi

Uyu muhanzikazi na we akomeje kwigarurira imitima y’abafana be,nyuma y’ibitaramo agenda akora hirya no hino bituma akundwa n’abatari bake,ndetse benshi bamukundira uburyo yisanzura muri rubanda.

3.Allioni

Allioni na we ni umwe mu bahanzikazi bishimirwa n’abatari bake, bitewe n’imiririmbire ye n’uburanga bwe, gusa by’umwihariko Allioni akundwa na benshi bitewe n’uko akunda kuganira n’abantu bose atagendeye ku izina afite muri muzika.

4. Nina

Nina ni umuhanzikazi ubarizwa mu itsinda rya itsinda rya Charly na Nina uyu muhanzikazi akaba akunzwe bitewe n’uburyo benshi bemeza ko akunda kuganira na rubanda,akunda gufasha ndetse no kugenda agaragara mu bikorwa bitandukanye bimuhuza n’abaturage birimo Umuganda,Inama zitandukanye ziba zateguwe aho atuye ibyo bikaba bituma agenda yigarurira imitima ya benshi.

5.Queen Cha

Queen Cha na we ni umwe mu bahanzikazi nyarwanda bakundwa kandi bakishimirwa na benshi bitewe n’ikimero cye, gusa benshi bemeza ko Queen Cha arangwa n’umutima mwiza ndetse ngo yishimira gufasha abatishoboye.Si ibyo gusa kuko uyu muhanzikazi akunze kwitabira ibikorwa bimuhuza n’abaturage birimo n’umuganda rusange ndetse agasabana na buri wese ibi bikaba bituma abantu benshi bamukunda.

Loading...