Loading...

Dore icyizere gikomeye cy’uwafashwe ku ngufu afite imyaka 12 muri Genocide yakorewe Abatutsi!

Muri iyi minsi jiana twibuka GENOCIDE yakorewe Abatutsi mu mwaka w’1994,twibuka y’umubabaro,y’amahwa,y’agahinda kandi izira imbabazi banyuzemo ariko kandi tugahozwa n’uko abasigaye bigize kandi bariho neza bityo bikadufasha kuzirikana no gukomeza gusabira abatuvuyemo.

Muhoza Goreti
Muhoza Goreti n’umwe mu bagizweho ingaruka zikomeye na Genocide yakorewe abatutsi,dore ko yakorewe ibya mfura mbi ndetse yanduriramo virus itera Sida gusa kandi yanahatakarije papa we umubyarana na basaza be batanu ,nyuma y’imyaka 22,Umuhoza yifitiye icyizere cyo kubaho ndetse arakataje mu rugamba rw’iterambere ikirenze kuri ibyo kandi afite umukunzi.

Mu ntangiriro za Genocide muhoza n’umuryango we wose bari batuye ku Gisenyi,mu karere karubavu ,icyo gihe yarafite imyaka 12,ngo se na basaza be batanu bishwe rugikubita.Ngo nyuma gato Umuhoza yaje guhungira mu cyahoze ari Gitarama.
Muhoza yibuka uko buri munsi Interahamwe zazaga aho bari bihishe maze zigatoranyamo abagore zikorera ibyamfura mbi.
“Narinzi abagabo babiri bantwaye.Kalisa na Rukarabankaba Alexandra..” aya n’amagambo ya Muhoza,ngo igihe abo bagabo babiri bari bamutwaye nibwo bahuye n’abandi bagabo baje bavuga ko nabo bashakaga kumukorera ibya mfura mbi.

 

Abagabo bigabuyemo amakipe abiri maze barahiganwa ngo utsinda ariwe ubanza ,ati” bakinaga amakarita kuburyo utsinze ariwe ubanza”
Muhoza yibuka ko hari ku italiki ya 2/Kamena/1994 ubwo bamufataga ku ngufu ndetse akibuka ko yataye ubwenge ku mugabo wa 15 ariko ngo ibyabaye nyuma yiwe ntanakimwe abasha kwibuka.
Biteye agahinda,MUhoza yanduye virus itera sida kubwo gufatwa ku ngufu ndetse ahatwarira inda yaje kuvukamo umwana w’umuhungu uhora amwibutsa inzira y’umusaraba yanyuzemo.
Nyuma y’ibi byose ,ubwo yarafite imyaka 14,ngo nyina yamutegetse gushaka ku Mucongoman wari ufite imyaka iyingayinga muri 60 ari nawe babyaranye umwana wa 2,gusa ngo uwo mugabo ntiyigeze amufata neza kuburyo nyuma y’igihe gito bahise batandukana.
Muhoza yaje yarihishe maze agaruka i Rwanda mu mpera z’1996 ngo atangire ubundi buzima butagira ikizere ahubwo burangwamo kwiheba.

Ngo yajyanye abana kwa nyirakuru maze afata inzira i Kigali gushaka akazi kugira arebe ko yajya ababone ifunguro,akaze yaje kukabona maze akundana n’undi musore nawe wakoraga akazi ko murugo.
Ngo ntabwo byatinze gukundana kwabo nk’uko KTPress dukesha iyi nkuru ikomeza ibivuga,gusa na none Muhoza yirinze cyane kubwira uyu musore ko yanduye virus itera Sida.ati”narimfite imyumvire mibi” icyo gihe numvaga nakanduza buri mugabo wese .
Umukunzi wa Muhoza yaje kumva ibyabaye ku mukunzi we,maze ahitamo kumubabarira n’uko urukundo rwabo rurushaho gushinga imizi.
Ubu Muhoza afite umwana wa gatatu,ariko kandi ngo akundanye cyane na se w’umwana,akimara kubyara umwana wa gatatu yahise ajya kubana na nyina ndetse kubw’amahirwe abana be bapvutse batanduye Virus Itera Sida.
Ibi byose byarabaye ndetse umukunzi we aramufasha ariko kand ngo abana bandi babiri baba bamubaza impamvu afata imiti ndetse bakanyuzamo bati” Ese Data ari he ?”
Muhoza yakomeje kuryumaho yirinda kubabwira ibyabaye kugeza muri 2014 ubwo yahisemo kubabwira uko byagenze dore ko yari yaramaze kugirwa inama no gusanwa umutima….”mwese muri abana banjye ,reka duharanire ejo hazaza heza” aya niyo magambo yibuka ko yasoreje ho.

 

Ubu imfura ye yiga mu mwaka wa 5 ubwubatsi,uwa kabiri yiga mu kabiri naho uwa gatatu ubu ari gusoza amashuri abanza.N’ubwo ubuzima butigeze bumworohera ,Muhoza yabanye nabwo ndetse ngo we n’umukunzi we barateganya ku rushinga mbere y’uko uyu mwaka urangira.
Ubu Muhoza atuye i Gicumbi,mu majyaruguru y’URwanda ndetse,n’umucuruzi w’amatunguru ku buryo iyo byagenze neza abasha kuba yakunguka ibihumbi 50 by’URwanda,hagati aho ubu umukunzi we n’umushaufferi w’Ikamyo ndetse ngo ategerezanyije igishyika kinshi kuzabana n’umukunzi we w’igihe kirekire.
Muhoza amwenyura ati”Nahoze iteka nifuza kuba umutima w’urugo kandi ntarirarenga,hamwe na Muhire nzagera ku nzozi zanjye”
Abanyarwanda twaciye mu buzima butandukanye,twahuye n’ibigoye bitandukanye ariko kandi ubu turiho kandi mu buzima buzima.nawe ufite uko wabayeho kandi ubu wifitiye icyizere ukomora ku mateka yakuranze ari nayo yaranze URwangihanga.
ushobora kutwandikira kuri Facebook page yacu maze tukagufasha gusangiza abanyarwanda urugendo rw’ubuzima rukomeye wanyuzemo.
TWIBUKE GENOCIDE YAKOREWE ABATUTSI TURWANYA INGENGABITEKEREZO.

Loading...