Exclusive: Ku myaka ye 70 y’amavuko yanikira abatari bake ma masiganwa yo kwiruka (Marathon)

Umukecuru w’imyaka 70 y’amavuko ukomoka mu gihugu cya Kenya akomeje gutangaza abatari bake, nyuma yo gukomeza kwanikira abantu benshi mu marushanwa yo kwirukanka ku maguru (Marathon).

Elizabeth Cheboin nyuma yo kwirukanka ibirometero 10.

Nk’uko iyi nkuru tuyikesha ikinyamakuru Tuko cyandikirwa muri Kenya, ngo uyu mukecuru witwa Elizabeth Cheboin, atangaza ko amaze imyaka irenga icumi akora aya masiganwa yo kwiruka ku maguru, ndetse agahamya ko nta muntu umurusha kwiruka nubwo ageze mu zabukuru.Amakuru akomeza avuga ko uyu mukecuru ngo yatangiye yirukanka ibirometero 6 ,12 ndetse na 21 ndetse ngo yizeye ko adateze gucika intege mu gihe agifite akabaraga. Yagize ati:”I will continue running so long as I still have strength. What we are fighting for now is events for the veterans. There should be races for old people too where the organisers will reward the winners”.

Tugenekereje mu Kinyarwanda yagize ati:”Nzakomeza kwirukanka cyane, mu gihe ngifite imbaraga.Icyo turimo guharanira kuri ubu ni amarushanwa ashobora kuba agahuza abantu bageze mu zabukuru, aho abayateguye bashyizeho ibihembo ku bazayatsinda.”

Uyu mukecuru akomeza avuga ko buri gitondo azinduka akora imyitozo ngorora mubiri kandi ngo bimuha amahoro, no kumva akiri muto.

Loading...