Hamenyekanye abakinnyi batatu bakomeye ba Real Madrid bashinjwa kwirukanisha umutoza wabo.

Ibigezweho imikino

Abafana b’ikipe ya Real Madrid babinyujije ku mbuga nkoranyambaga zabo bakomeje gushinja abakinnyi batatu bakomeye b’ikipe ya Real Madrid aribo:Gareth Bale,Sergio Ramos na Karim Benzema, bavuga ko aribo batumye umutoza w’iyi kipe witwa Julen Lopetegui yirukanwa kubera imyitwarire yabo mibi.

Julen Lopetegui.

Aba bakinnyi batunzwe agatoki n’abafana ba Real Madrid ko batigeze bitanga ijana ku ijana kugira ngo ikipe itsinde ibintu byatumye Julen Lopetegui yirukanwa mu ijoro ryo kuwa mbere w’iki cyumweru.

Bale wakagombye kuba yarasigaye ariwe muyobozi wa Real Madrid yitwaye nabi cyane ndetse imvune ze za hato na hato zagabanyije umusaruro we biviramo Lopetegui kwirukanwa aho byatumye abafana basaga ibihumbi 43 batora ko ariwe mukinnyi wa mbere wamwirukanishije.

Ku mwanya wa kabiri mu matora yakorewe ku kinyamakuru Marca cyo muri Espagne,hajeho myugariro Sergio Ramos usanzwe ari na kapiteni wa Real Madrid wari usigaye ayitsindisha ku buryo bukomeye.Yatowe n’amajwi y’abafana ibihumbi 40.

Ku mwanya wa 3 mu bakinnyi bashinjwe n’abafana ba Real Madrid kwirukanisha umutoza Julen Lopetegui hajeho Umufaransa Karim Benzema watowe n’abafana basaga ibihumbi 35.Abandi baje mu 10 barimo Raphael Varane n’amajwi 30,500, Marco Asensio n’amajwi 27,500 mu gihe Toni Kroos, Isco, Thibaut Courtois na Marcelo aribo basoje.

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *