Hamisa Mobetto yagize icyo atangaza ku bukwe bwe na Diamond.

hanze Ibigezweho

Hamisa Mobeto na Diamond Platnumz bamaze igihe bubuye umubano, ibyabo byatangiye kunugwanugwa ko biganisha ku gushyingiranwa uyu mukobwa agasimbura Zari uherutse kwahukana.

Mu itangazamakuru rya Tanzania bimaze iminsi bivugwa ko Diamond yasubiye kwa Hamisa Mobeto nyuma y’uko Zari amutaye amushinja kujarajara mu bagore. Uyu muhanzi aherutse gutangaza ko umwaka wa 2018 uzamusiga ashinze urugo mu buryo bweruye; ibi byakurikiwe n’inkuru zishimangira ko agiye kurongora Mobeto.

Mu kiganiro Hamisa Mobeto yagiranye n’abanyamakuru mu mpera z’icyumweru gishize ubwo yari yitabiriye ibirori byo kwerekana filime nshya ya Aunt Ezekiel, yakomoje ku mubano udasanzwe uvugwa hagati ye na Diamond maze abyita “ubumwe busanzwe”. Hamisa yabajijwe niba ari we mugore ugiye kurushingana na Diamond nk’uko bimaze iminsi bivugwa maze asubiza agira ati:“Ntabwo nshaka kugira igisubizo ntanga kuri icyo kibazo.” Abanyamakuru bahatirije bamubaza niba koko agiye kurushingana na Diamond yanga kuvuga ahubwo azunguza umutwe.

Hamisa Mobeto yongeyeho ko adakwiye kwitwa ‘umugore wimenyera buri kintu’ kuko ngo abagabo yabyaranye na bo bamufasha kurera abana be babiri. Yagize ati:“Ntabwo wavuga ko uri wenyine mu gihe ufashwa kurera abana wabyaye. Ikimenyetso ni iki, abagabo twabyaranye bose bamfasha kurera abana banjye neza, ku bw’iyo mpamvu ntabwo navuga ko ndi njyenyine, ndafashwa kurera abana banjye.”

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *