Ibishushanyo Neymar yashyize ku mubiri we mbere yo gucakirana na Real Madrid bikomeje kuvugisha abatari bake.

Mu gihe habura amasaha make ngo ikipe ya Real Madrid icakirane n’ikipe ya PSG muri Champions League ,rutahizamu w’iyi kipe Neymar Jr akomeje kuvugisha abatari bake bitewe n’ibyo yishushanyije ku mubiri we.

Neymar Junior De Santos usanzwe ukinira ikipe y’igihugu ya Bresil na PSG yatunguye abantu bitewe na Tattoo nshya yishushanyije ku kuguru habura igihe gito ngo ikipe ye ya Paris Saint Germain yo mu gihugu cy’Ubufaransa ihure na Real Madrid.Ni umukino utegerejwe na benshi kuri uyu wa gatatu tariki ya 14 Gashyantare 2018 mu marushanwa yo guhatanira igikombe cy’amakipe yabaye aya mbere iwayo (UEFA Champions league) .

Ngiyi Tattoo Neymar yashyize ku kuguru kwe ikomeje kwibazwaho cyane.

Icyatumye abafana bacika ururondogoro ni uko iyi Tattoo igaragaza igikombe Neymar yishushanyije ku kuguru ariko nanone bakibaza byinshi bitewe n’itariki 06.06.15 ndetse n’akamenyetso ’emoji’ kasohoye akarimi, ababigarukaho abenshi bakaba bibaza icyo bishatse gusobanura kuko usibye kuba Neymar yerekanye ifoto ari kwishyiraho iyo tattoo ariko atigeze avuga icyo isobanura.

No Comments Yet

Leave a Reply

Your email address will not be published.

INSTAGRAM

Ikinyamakuru cyambere mu imyidagaduro mu Rwanda,

FOLLOW US ON

Kwamamaza