Ikipe ya Liverpool Fc ikaba yamaze kwibikaho umunyezamu ukomeye ku isi

Mu gihe champiyona zo ku mugabane w’uburayi ziri gusozwa ni nako habura iminsi mike ngo isoko ry’igura n’igurishwa ry’abakinnyi ritangire, amakipe y’inkwakuzi yo akaba yatangiye kumvikana no kuganira n’abakinnyi yifuza mu rwego rwo kwiyubaka, ni kubwizo mpamvu nkuko tubikesha ikinyamakuru Metro cyatangaje ko ikipe ya Liverpool yamaze kumvikana n’umunyezamu Iker Fernandez Casillas umunya Espagne ukinira ikipe ya Fc Porto ku myaka 36.

Iki kinyamakuru nkuko gikomeza kubitangaza, ubuyobozi bw’ikipe ya Liverpool bwagiranye icyitwa Pre-Contract cg imbanzirizamasezerano n’uyu mukinnyi wabiciye bigacika mu ikipe ya Real Madrid kugirango mu kwezi kwa gatandatu ubwo isoko rizaba rifunguye ibindi biganiro bizakomerezeho.