Loading...

Inkuru ibabaje:Ndikumana Hamad Katauti wari umutoza wungirije wa Rayon Sports yitabye Imana mu buryo butunguranye.

Ndikumana Hamad Katauti wari umutoza wungirije wa Rayon Sports, yitabye Imana ku buryo butunguranye,mu ijoro ryakeye ryo kuri uyu wa Gatatu tariki ya 15 Ugushyingo 2017. Amakuru y’urupfu rwe yatangiye kumenyekana ahagana saa munani z’ijoro, ndetse kugeza ubu icyatumye apfa ntikiramenyekana, dore ko bivugwa ko ku munsi w’ejo kuwa Kabiri yakoresheje imyitozo bisanzwe mu ikipe ya Rayon Sports.

Katauti yakoze imyitozo ye ya nyuma ejo kuwa kabiri.

Mu kiganiro Mugemana Charles muganga wa Rayon Sports, yagiranye na Kigali Today yavuze ko yahamagawe n’umusore ubana na Katauti, maze amubwira ko amurembanye ku buryo butunguranye, ariko ngo agiye kumureba asanga amaze gushiramo umwuka

Yagize ati “Umusore babana yampamagaye ambwira ko Katauti arembye, ngo bari kumwe nta kibazo afite, ubundi amubwira ko ari kubabara mu gatuza, atangira no kubabara mu nda, aza kumuha Fanta ngo anywe arangije ahita ayiruka, akomeje kuremba ahita ampamagara.Nahise njya kumureba mugezeho nka Saa Sita z’ijoro nsanga aryamye ku gitanda yashizemo umwuka, nahise mpamagara ingobyi y’abarwayi ya CHUK, baje basanga yapfuye, birantungura cyane kuko yari yakoze imyitozo hamwe n’abakinnyi ubona afite imbaraga cyane nta kibazo na kimwe”.

Katauti yakiniye ikipe y’igihugu.

Ndikumana yavutse tariki ya 5 Ukwakira mu 1978. Uretse kuba yaramenyekanye mu Rwanda no mu ikipe y’igihugu “Amavubi” yageze mu mikino ya nyuma y’igikombe cya Afurika cy’ibihugu.Katauti kandi yaje kuba umutoza wungirije muri Rayon Sport mu ntangiriro z’umwaka w’imikino wa 2017/2018 avuye mu ikipe ya Musanze FC.

 

Loading...