Irebere ibyamamare Nyarwanda byavuzweho cyane muri uyu mwaka wa 2017 kurusha abandi.

Mu gihe turi mu mpera z’umwaka ni ngombwa ko twasubiza amaso inyuma maze tukareba ibyaranze uyu mwaka wa 2017.Ni muri urwo rwego natwe twahisemo kubagezaho bamwe mu byamamare nyarwanda bavuzwe cyane mu itangazamakuru ndetse bakanagarukwaho cyane mu biganiro by’abantu, ku mbuga nkoranyambaga ndetse no ku mbuga za interineti zitandukanye muri rusange.

1.Uwase Hirwa Honorine(Miss Igisabo)

Uyu mukobwa yamamaye kuva mu ntangiriro z’uyu mwaka wa 2017, ubwo yatangiraga guhatana mu marushanwa ya Miss Rwanda 2017, uyu mukobwa wahatanye ahagarariye intara y’Uburengerazuba yabajijwe n’akanama nkemurampanga uko umukobwa mwiza kuri we aba ateye, asubiza ko agomba kuba ateye nka ‘Igisabo’ kuva ubwo ibyinshi mu bitangazamakuru by’imyidagaduro mu Rwanda byatangiye kumubaza impamvu yasubije iryo jambo bituma atangira kwamamara, aho iri jambo ryanahuzwaga n’imiterere ye yo kuba afite ikibuno kinini,ndetse kuri ubu iyo uvuze “Miss Igisabo” benshi bahita bumva uwo ari we.Urukundo yagiriwe n’abantu benshi kandi rwatumye amarushanwa ya Miss Rwanda 2017 arangira ari we utowe nka Nyampinga ukunzwe na rubanda (Miss Popularity).Uyu mukobwa kandi aheruka kuvuga ubwo yajyaga mu marushawa ya Miss Earth 2017 akanga kwambara bikini.

2.Safi Madiba

Safi Madiba wamamaye mu itsinda rya Urban Boys, yatangiye kuvugwa cyane muri Nzeri uyu mwaka w’2017 bitewe n’uko yatunguranye maze agatangaza ubukwe bwe na Niyonizera Judith bitari bizwi ko bakundana kuko icyari kizwi neza ari uko yakundanaga na Parfine. Safi yavuzwe cyane kandi bitewe no kuba hari abavugaga ko we na Judith badakwiranye bitewe n’abakobwa beza yigeze gukundana nabo barimo n’umuhanzikazi Butera Knowless.Ikindi cyatumye Safi avugwa ni ukuba yaratunguranye akivana mu itsinda rya Urban Boys yari amazemo igihe kitari gito.

3. Shaddy Boo

Mbabazi Shadia uzwi nka “Shaddy Boo” wamamaye ku mbuga nkoranyambaga zitandukanye nka Instagram na Snapchat aho akoresha izina rya Shaddyboo. Muri Kanama uyu mwaka w’2017 yavuzwe mu itangazamakuru bitewe n’ibyo yatangaje ubwo yari yatumiwe kuri Royal TV bikaba nk’umugani aho bamwe bamusekaga abandi bakamukwena bavuga ko yiyemera akigira n’umuhanga kandi ari injiji.Umunyamakuru wa Royal TV yabajije Shaddy Boo niba azi koga asubiza ko atabizi ariko akunda kureba abantu bari koga no kumva impumuro y’injanya ‘Odeur ya Ocean’.Yagize ati “ Enfete nkunda kubona abantu boga, sinzi, no kumva iriya odeur ya ocean [impumuro y’inyanja], biranshimisha cyane”.Uyu mugore kandi yagiye agarukwaho cyane bitewe n’imyambarire ye yagiye itangaza benshi.

4. Oda Paccy.

Umuraperi Oda Paccy na we yavuzwe cyane mu Rwanda no ku mbuga nkoranyambaga muri Nzeri 2017 bitewe n’ifoto yifotoje akingirije ku myanya ye y’ibanga ikoma agamije kwamamaza indirimbo yise ‘Order’ yakoranye na Urban Boys. Kuva icyo gihe abakoresha imbuga nkoranyambaga batangiye kumwigana maze bakifotoza nabo bakingirije amakoma ku myanya y’ibanga bagahererekanya ayo mafoto bakoresheje urukururano rwa interineti ‘hastag’ bise IkomaChallenge.

Loading...