Loading...

Irebere uburyo abahanzi nyarwanda bakomeje kujujubywa bikomeye n’abatekamutwe ku mbuga nkoranyambaga.

Hashize iminsi havugwa ikibazo gikomeye kandi kimaze gufata indi ntera mu bahanzi nyarwanda n’ibyamamare barimo kujujubywa n’abatekamutwe ,aho bigabiza imbuga zabo nkoranyamaga bakazikoresha ibyo bishakiye birimo no gusaba abafana babo amafaranga, ndetse no gushaka kubateranya na bamwe mu nshuti zabo.

Umutekamutwe yateranyije Nizzo na Ama G.

Mu minsi mike ishize,Ni bwo umuhanzi w’umuraperi AmaG the Black yumvikanye yijujuta ko yibwe konti ye ya instagram n’umutekamutwe maze amuteranya na Nizzo wo muri Urban Boys avuga ko yamwambuye akayabo kangana na Miliyoni y’amanyarwanda.Ibi byateje impaka ndende ndetse Ama G asabwa kwishyura ibihumbi 50 ngo asubizwe konti ye.

Safi Madiba na we yagezweho n’ubu butekamutwe.

Hashize iminsi mike nabwo ,Safi Madiba yateshejwe umutwe n’umuntu utazwi ubwo yamutwariraga konti ye ya Instagram maze nawe amubwira ko ngo ari bushyire hanze ifoto ituka Nizzo kugira ngo abateranye, gusa Safi yakoze uko ashoboye asubirishaho konti ye amazi atararenga inkombe.

Lil G na we yagezweho n’ubu butekamutwe.

Uyu mutekamutwe ntiyahwemye na gato kuko yahise yinjirira umuraperi Lil G nawe ngo ashaka kumutwara konti ye, ariko abandi bahanga mubya Mudasobwa baramufasha.

Ibi byarakomereje mu Itsinda rya Active, aho umutekamutwe wiyise Olvis Mugabo yandikiye Tizzo amusaba amafaranga ngo niyanga aramushyira ku karubanda.Ibi rero bikaba bikomeje kuba urujijo ku bahanzi nyarwanda hibazwa uwaba wihishe inyuma y’ibi bikorwa bigamije gutesha umutwe aba bahanzi, dore ko benshi bibaza niba ari umuntu umwe ubikora cyangwa se niba ari itsinda ry’abantu babyihishe inyuma kuko bimaze kuba ku bahanzi benshi.

Loading...