Loading...

Iri n’iki? nashatse umugore ariko murumuna wanjye antanga kumubyarira!

N’ubwo iteka tubona ubuzima burimo inzitane akenshi hari igihe tuba twazikururiye,izi nzitane zidutera kwicuza ndetse no guharika umutima ariko kandi hari igihe tugira ngo n’umwaku utugendaho,hari uburyo muntu yagakwiye kwitwa mu bibazo by’ubuzima kabone n’ubwo byaba bimena umutwe nk’ibyo umukunzi wacu ,Kenneth yahuye nabyo.

Mbere na mbere yaradusuhuje ariko adusaba ashimitse ko izina twarihindura natwe turabimwemerera, yagize ati” Njyewe mfite imyaka 39,narize ndanginza amashuli yisumbuye ndetse nabonye akazi vuba cyane kuko nticaye n’umwaka n’umwe ,n’ukuvuga maze imyaka isaga 19 mu kazi,gusa ibi sibyo ngira ngo mbaratire kuko iyo akazi kaba gacyemura byose nakabaye nza kuri YEGOB nsoma amakuru nanatanga ibitekerezo gusa nsinze ngisha inama nk’uwayobye kandi mfite urwanjye.

Ndatebye ,nyuma yo kubona akazi nashatse umugore mfite imyaka 37,uyu mugore twari tumaze imyaka 6 dukundana,kuva mbere hose nari ntarigeze ntereta kabone n’ubwo nize muri internat,gutereta nabifataga nk’ubushurashuzi kandi koko ababikoraga aho twigaga bose babaga bagamije gukora ibidakorwa birimo gukora mu majipo y’abakunzi babo,,,,,n’ibindi ntabasha kurondora abenshi namwe muzi.

Uku kwikomeraho byantega ikimwaro iyo habagaho gusererezanya hagati y’abasore twabanaga ,bamwe bati” intama yarankandagiye ” rimwe na rimwe nti” nda mufite ariko nsingombwa ngo mumumenye kuko mwamuntwara” ariko nabaga nikura mu isoni ntawe narimfite kuko natekerezaga ko hakiri igihe kandi ko ikiri imbere ari ukubanza gustinda ikizami cya leta ibindi bikaza nyuma.
Nyuma ikizami naje kugitsinda maze kugera mu kazi nahuye n’umukobwa n’umva antwaye umutima,narigoye dore ko bitari byoroshye ,mubwira ko mukunda nawe arankundira arankunda,twabanye nk’abakunzi koko,twariye ubuzima ,twarasohokanye yazaga iwacu barumuna banjye bakamumenya ,nanjya iwabo bakanyakira nk’umukwe ,nibyo koko ntibibeshyaga naramukundaga kandi nariyemeje kuzabana nawe.

Nyuma y’imyaka 6 dushaka ubuzima ,twembi twemeranyije ko tugomba kubana cyane ko ubusiribateri twari tuburambiwe, Twarasezeranye dukora ubukwe ,turabana,tukimara kubana nagize amahirwe ku kazi bahita banzamura mu ntera ariko bansaba kujya kwiga hanze kugira  mbashe gushobora umwanya narimbonye nta nkomyi,ubwo mu rugo rwacu amata yari abyaye amavuta ariko kandi hazamo ikibazo cy’uko nagombaga kumara hanze  umwaka wose.

Kubw’ibyo mbisabwe n’umugore wanjye yambiwye ko ntasiga muteye inda kuko ngo yazamererwa nabi mu gihe cyose yazatwita ndahari kuko wenda mpari nanjya mufasha kwakira ubwo buzima bushya,birumvikana nsinari kumunaniza kuko yari mu kuri naramwemereye ariko twumvikana ko ningaruka ntakindi ari ukwagura umuryango.

Murumuna wanjye yaje kwiga kaminuza i Kigali maze mu bwira ko niba kuba mu icumbi byamubangamira yaza akaba mu rugo cyane ko yarazi urugwiro n’urrukundo umugore wanjye aranganwa,Murumuna wanjye yaraje ,ndagenda,gusa ntiyafashe icumbi gusa kukio yanatinyutse kwiha uwo nakoye.

Nsinarinzi ko bishoboka ariko kuri ubu ndabihamya ko bishoboka,gucibwa inyuma bibaho,kandi ba mutima mucye buzuye isi,maze kugenda uyu mukobwa yatangiye gusaba na murumuna wanjye nk’ibisanzwe ,bisanzuranaho biratinda,kugeza,ubwo ngo yabashaga kumusanga mu cyumba  yambaye cyangwa atambaye.
Ibi nibyo byavuyemo kuryamana ,maze nawe akuriza gutwita ,nkiri iyi abantu barambwiraga bati” wasize ugakoze’ nanjye nti”agaki?” bakagira ngo ndiraza i Nyanza nyamara disi ndimenye ko bavuga ko uwiwanjye atwite ,naje kubimenya ubwo namusabaga agafoto akajya abyanga nyuma musaba ko namuhamagara kuri Skype nkubitwa n’inkuba mbonye afite inda nkuru.

Namaze igihe ntavuga nasabye gutaha amasomo asigaje amezi abiri ngo arangire ,ngeze iwanjye nsanga umugore aratwite,naje mutunguye ariko nsanga murumuna wanjye yaratorongeye na n’ubu ntawe uzi aho aherereye.
N’amarira menshi yanze kugira icyo ambwira,nanjye n’umujinya uvanze n’agahinda  naramurebaga nk’umva ubutindi,nkumva isi yaranshiriyeho ariko nagera hanze bambwira bati “waragakoze!!!” ngaseka nagera i wanjye nkikingirana nkarira,,ibihe bikomeye ku mutima wanjye ,igihe cyarageze musaba ko niba atabasha kumbwira ibyabaye ,basi yafata urupapuro akandi uko byagenze ….,yararufashe  arabyandika ,maze arusiga mu cyumba.

Nibyo ukuri narakumenye ariko inzira yo kubabarira iragoye,ikimwaro cy’ibyo yakoze kiramutugatuga ariko nanjye numva ntamahoro mfite ,ngataha niganyiriza kuko uwo mbansanze ahorana ubwoba ndetse hari ubwo asanga ndira nawe akarira,rimwe na rimwe ngacyeka ko aba yiriza.
Ndibaza urwo nubatse niba rwarashinze imizi kuri shitani,ndibaza niba ari umwaku navukanye ,ndishakamo umutuzo mu mutima nkawubura,nsinshyira uturaso ku mubiri kuko no kurya numva ntacyo bimbwiye,rimwe na rimwe ntekereza kubibwira abagabo bagenzi banjye ariko ngatekereza ko bampa urwamenyo bakanyita”uwakwereye murumuna we” gusa ngize umutima wo kubyandikira YEGOB,kuko nziko abayisura batanga inama kandi zikwiye.
Nawe untucye,n’ushaka unyite indangare cyangwa Ntabwenge ariko wibuke ko isi ifite uburyo idutwara kandi ikindi ubuzima tubamo bugira ibyabwo,niyo wantuka rero wibucye no kumpanura kuko njyewe ndiho ntariho. Urakoze”

Loading...
  • Abby

    Ehhh mbega inkuru ibabaje!!!Gusa icyo nakubwira biragoye kubyakira ariko ibyabaye byose wabaye nyirabayazana.Ibyabaye byarabaye igisigaye nugufata umwanzuro nkumuntu w’umugabo.Dushyize kumunzani twasanga ikiruta ikindi aruko wababarira umugore wawe byose ukabyibagirwa mukabana kuko umwirukanye ushobora gushaka undi bikongera bikakubera uko.cg ukazana utabyara cg akajya abyara abana bakitwa abawe yabyaranye nabsndi ntubimenye.mubabarire umureke abyare nkaho umwana ari uwawe umurere kuko no mumategeko nuwawe pe!bizakurinda kwiteza abaturanyi.Uwo mugore yaraguhemukiye azagusabe Imbabazi asabe n’Imana imbabazi.murumuna wawe nawe yakubereye Imbwa.Ariko Inama nakugira nukumubabarira nicyo kiruta ibindi byose wakora.nkurikije uko mwabanye nigihe mwamaranye mukundana nawe azaha agaciro ibyo umukoreye ntazongera kuguhemukira ukundi kdi mumibanire yanyu uzirinde kujya ubimucyurira.

  • Kanemu Kelly

    Komera mugabo wakomerekejwe, shirintimba wiyomore ibikomere, hagarara kigabo wihunga burya kuba umugabo si ipantaro gusa kuko bisaba ibitekerezo no gushikima, icyambere shima Imana kuko imfura yawe igiye kuba iyumuvandimwe kuko harigihe utanamenya SE, kandi ntiwirengagize ko SE w’umwana amenywa na nyina. Nukuri biragoye kugirango umugore w’ikirongore amare umwaka wise yipfumbade kandi afite uko yakwigenza Mandi uretse nawe n’abakobwa barabikora ka batarabyimenyereza gusa ufashwe niwe gisambo, yarakubabariye ntiyayikoroza (ntiyayakuramo) kuko rwose ayataba uwumutima uba warasanze yarayikuyemo made ukamushimira ko ari ntamakemwa, gusa kubera ko ari uwumutima yafatuye kumunwa aragutegereza, nukuri njye ndumva akigukunda nuko nyine yakosheje akotswa. Gusa nawe wisuzume urebe ikigero urimo nikigero uwowihebeye arimo kuko cyo ntacyo watubwiye ariko iyo bihabanye nabyo biters ibibazo kuko umwe atabasha kumva mugenzi we kubijyanye n’imyumvire, amateka, n’imyitwarire bitewe n’ibyiciro by’imyaka; urugero uramutse umuruta cyane birumvikana ko wowe Hana haribyo urangamiye ariko we atarashyika muri icyo cyiciro cyawe, ubwo rero buriwese yagira akanya ko kumenya mugenziwe byimbitse Mandi byumwihariko kuko byanoza urukundo n’umubano wanyu. Reka nsoze ngusaba kubabarira Mandi no komera ibikomere by’Umukunzi kuko nawe yakomeretse,
    Ikindi kandi umuvandimwe uzamubabarire Mandi bishobotse yasubira mu ishuli Amiga akamenya kuko bikomeza umuryango nibikugora azagurire u Rwanda kuko rudakeneye Mayibobo nabasagihobe birwa basabiriza cg biba ibyarubanda ikirenzeho bikoza isoni umuryango.
    Muzafashe uwo muziranenge ntazagwe munzigo z’amateka kuko ntacyaha yakoze kandi ntanuruhare yabigizemo.
    Muzabike ibanga mutaziha rubanda NGO rubote kuko rushobora no kubenyegeza.
    Ubwo bumenyi wongerewe buzababere icyerekezo kandi umuryango ukubere inzira.
    Mbifurije urugo ruhire rwizuye amahoro adahanda, ruzira guhora no gushinyagura, naho iby’umwaku NGO wavukanye ntawo ahubwo Niko turabantu tumenya who tuvuye naho Yuri gusa ariko tutamenya imbere yacu kuko into byo aribanga umuremyi yizigamiye kuritwe,
    Nano kuvuga Satani Niko muntu ateye ibibi byitirirwa satani kuko arise mukuri wibibi Mandi akaba nyakibi, ibibaye ibyiza bigaharirwa Imana kuko ariyo rukundo kandi umubyeyi utwifuriza Ibiza byose gusa ntitwakwirengagiza amateka akomeye aboneka muri bibiriya ya DAWIDI nayuwitwa YOBU, Ibyacu byose Imana irabizi!

    Nsoza, “” SE W’UMWANA NI UMUGABO WA NYINA””.