Loading...

Isi irashaje: Irebere uburyo i couple yahisemo kwica umugore utwite ngo bibonere uruhinja.

I couple igizwe n’umusore w’imyaka 18 y’amavuko n’umukobwa w’imyaka 22 bakomoka muri Leta ya Amazonas muri Brezil , barashinjwa kwica umugore w’imyaka 20 wari utwite bagamije kwiba uruhinja rwe.

Nguyu umugore wishwe akurwamo uruhinja.

MTOnews dukesha iyi nkuru yanditse ko mu iperereze ryakozwe na Polisi yo muri kiriya gihugu ryagaragaje ko umugore w’imyaka 22 y’amavuko witwa Joelma Queila Santana da Silva, n’umusore w’imyaka 18 y’amavuko witwa Alex da Silva Carvalho, bafatanyije maze bica umugore w’imyaka 20 utatangajwe amazina.Amakuru akomeza avuga ko uyu mugore, Joelma ari we wateguye uyu mugambi mubisha wo kwica umugore mugenzi we,maze asaba uriya musore kubimufashamo, uyu mugore akaba yatangaje ko kugira ngo bice uriya mugore bagombye kumujyana mu kabari kari muri uriya mujyi maze bamugurira icyo kunywa bashyizemo uburozi,maze amaze gusinzira baramuterura bamujyana mu ishyamba ryari hafi aho,bahita bamusatura inda bifashishije icyuma bari bafite bakuramo uruhinja yari atwite,maze uyu mugore ahita yitaba Imana.Iyi couple imaze gutabwa muri na Polisi Joelma yatangaje ko icyamuteye gufata icyemezo cyo kwica uriya mugore byatewe n’uko ngo abaganga bari baramubwiye ko atazigera abyara kandi ngo akaba yarashakaga umwana cyane.Kuri ubu urwo ruhinja rukaba barahise barujyana mu bitaro byo mu gace kitwa Itapiranga aho ruri gukurikiranwa n’abaganga.

Loading...