Loading...

Iteka nicuza impamvu namwemereye,nyamara nari naranze kuva kera!(ndicuza)

Urukundo ni rwiza ariko hari igihe rukoresha abarufitanye ibidakwiye ndetse bikarangira buri wese areba undi nk’utamuzi nyamara barahoze ababeshyanya ko bakundana by’ukuri ,ibi bisa n’ibyabaye kuri umwe mu bakunzi ba YEGOB wifuje ko abasomyi bamugira Inama nawe akabagira izindi kuko yamaze kubona ko uko yumva urukundo bitandukanye n’uko ruri.

Yagize ati”Nitwa Nella mfiye imyaka 21,niga mu mashuli yisumbuye,nsinkomoka mu muryango ukize cyane gusa mbona icyo nifuza mu bisanzwe umuntu akenera,Muri iyi myaka 21 maze nakundanye n’umusore umwe gusa ,ndetse twamaranye imyaka igera ku 9 dukundana gusa noneho aho bigeze ndabona yarankuyeho amaboko nyamara njye ndumva akindimo.

Uyu mutype twamenyanye tukiri bato pe,narimfite imyaka 12 gusa icyo gihe nawe yarafite 15,twabanje kubana bisanzwe gusa n’umva ariwe muhungu niyumvagamo mubo twiganaga bose,umunsi umwe yambwiye ko ankunda ntibyantungura kuko nabimubonagamo,twarakundanye kuva icyo gihe nagiye nshwana n’abasore benshi beza mbabwira ko ndashobora gukunda abantu barenze umwe ,mbumvisha ko ari we gusa nimariyemo.

N’ubwo byari bimeze gutyo ntiyari gucisha gukora imibonano mpuzabitsina kuva mu buto bwacu,aho dukuriye yagiye ashaka kubizana ariko kuko yaraziko narezwe ndetse kandi mfite iwacu ntinya ,yarigengeseraga yanabivuga nkamucyahira kure akansaba imbabazi,umunsi nujuje imyaka 20 nibwo namwemereye ibyo nari naramwimye kuva kera.

 

Ndabyibuka si cyera ni mu umwaka ushize  wa 2014,twagiye inama ngo tuzasohoke ku munsi w’amavuko yanjye ndetse twumvikana ko kugira iwacu bazabyemere ari uko nzababwira ko abana twigana banteguriye Anniv bityo  ntabasuzugura,ngomba kubasanga ariko nkaba nshobora gutaha bwije kubera izo mpamvu,I wacu babonaga maze kumenya gutandukanya icyatsi n’ururo barandetse ndagenda.

 

Numvaga ntacyantera gukora ibyo nanze kuva kera,mbese numva tugenda tukoga,twarangiza tugasangira,tukajya i wacu kuruhuka nk’uko twari rwabikoze ku munsi w’amavuko ye,twagezeyo,tumaze koga nk’ibisanzwe ambwira ko afite byinshi byo kumbwira  ariko akaba yumva ashaka kuryama gacyeya musabye ko twahita dutaha ati “oyaaa mu rugo nsinabona uburyo tuganira neza ahubwo dufatye chambre tuganire byimazeyo tubone twataha”

 

Narabyemeye dore ko nirindaga kumugora kandi mbona amaso yatukuye mbese ameze nk’urwaye,Tugeze muri iyo chambre twaraganiriye pe,gusa yatinyutse kunkoraho ibintu yari yaragerageje kuva kera nkabyanga,n’ubundi narabyanze maze arirakaza…yahise ambwira ko iryo rishobora kuba iherezo ry’urukundo rwacu.

 

kuri njye numvaga ibyo aribyo byose kunkoraho kwe ntacyo byantwara ntabishatse dore ko kuva kera twavugaga ngo byose ni mu mutwe,naramuretse ankoraho turyamye aho ngaho ku gitanda,hashize akanya numva ntangiye gushinduka,ntagiye kwifuza kuryamana nawe,Narihanganye ndabihisha ahubwi ndamwiyaka ariko aranga,yambwiye ko ngomba kwemera tukabikora cyangwa tugashwana..nibajije igihe kirekire ntekereza uko twabanye mbona ibyo ataribyo bigiye kuntanya nawe cyane ko nabonaga ntawundi yakunda usibye njye  ndetse nanjye ntawundi nakunda usibye we.ariko ntabeshye nanjye numvaga nafashwe pee,ndetse birenze urugero.

Ok! naremeye turabikora,nsinavuga ko numvaga ari bibi mu gihe twabikoraga ahubwo nyuma yaho nasanze narakoze icyo nabuza buri mukobwa nkanjye gukora,Kuva icyo gihe twaratashye,numva ikimwaro ariko nkisubiraho nti”ntacyo kuba ankunda” numvaga nakoreye urukundo rwacu nyamara nari naruranduye,igihe cyarageze umusore akajya amara iminsi 3 atampamagara kandi ibyo bitarigeze bibaho,njyewe naramuhamagaraga ariko n’ubundi akamvugisha wumva ntagishyika amfitiye nka mbere,igihe cyarageze akajya yanga gufata telefone,bintera inkeke ndetse bikanandiza,nagiye kumureba,ariko ntiyampishe yambwiye ko atakinkunda nagato..

 

ibi biracyari icamugongo kuri njye ,ndetse ndacyabyicuza,ndacyumva ari ibintu biremereye,iteka nibaza impamvu twaryamanye ,ndirenganya,ndiburanya ariko byarabayem,nanubu buri musore wese mubonamo umuhemu,iteka birambabaza iyo ntekereje igihe nataye ndetse nkiyumvisha ko nta musore w’unyakuri ubaho,Iyo nzakubimenya nari kumwima tugatandukana bikaruta.

 

ubu ndavunwa  n’uko nabaye umugore nkongera gushegeshwa n’urukundo namutayeho”rimwe na rimwe hari igihe dutekereza ko byo tugiye gukora aribyo bizatwongerera igikundiro mu maso yabo tugiye kubikorera,tukumva tugiye kuvomerera urukundo nyamara tuba tugiye kurushingurana n’imizi kandi burundu,buri wese afite ibyo yanyuzemo mu rukundo bikamwigisha  gusa ikiruta ikindi n’ukwifata n’ubudahemuka kugeza ku iherezo”.

Loading...