Iyumvire amagambo atangaje Ronaldinho yavuze kuri Messi yateye impungenge abafana ba FC Barcelona.

Umukinnyi w’umunya-Brazil , Ronaldinho wabaye ikirangirire muri Ruhago by’umwihariko ufatwa nk’umunyabigwi ukomeye wa FC Barcelona, yongeye gutungura abafana b’iyi kipe ubwo yatangazaga ko ashobora gushyigikira Lionel Messi ,igihe cyose yakwifuza kuva muri Barca.

Mu minsi ishize nibwo havugwaga amakuru y’uko Messi atakozwaga ibyo kongera amasezerano muri iyi kipe aho byari byitezwe ko amasezerano ye mashya agomba kugeza muri 2021, ndetse nyuma binavugwa ko yifuza kuba yava muri Barca.

Nk’uko tubikesha Goal, ngo mu kiganiro Ronaldinho yagiranye n’iki kinyamakuru yagarutse kuri ibi by’uko Messi ashobora kuva i Camp Nou maze avuga ko nubwo kuri ubu afatwa nk’ambassaderi w’ikipe ya Barcelona ariko ko igihe cyose Messi azashakira kugenda, ko azashyigikira igitekerezo cye. Yagize ati:”birankomereye cyane kugira icyo mbivugaho,kuko (Messi) ni inshuti yanjye ya hafi kandi nk’inshuti ye iteka mba nshaka ikintu cyose cyakomeza kumuha ibyishimo.Niba icyashimisha umutima we ari ukuva muri FC Barcelona akerekeza mu yindi kipe, kabone nubwo ndi ambassaderi wa Barcelona, njye nzamushyikira.Gusa icyaba kiza ni uko yaguma muri Barca.

Twibutse ko Ronaldinho ufatwa nk’intwari muri Barcelona yavuye muri iyi kipe muri 2002 aho yahise asimburwa na Lionel Messi ari nayo mpamvu amufata nk’inshuti ye magara.

 

Loading...