Loading...

Iyumvire amagambo y’icyubahiro Mauricio Pochettino yavuze ku mukinnnyi ukomeye w’ikipe ya Real Madrid yatunguye benshi.

Mu gihe ikipe ya Real Madrid ikomeje imyiteguro yo kwakira ikipe ya Tottenham Hotspurs ku kibuga cyayo i Santiago Bernabeu ku mugoroba wo kuri uyu wa kabiri ,mu mukino wa gatatu wo mu matsinda mu irushanwa rya UEFA Champions League rihuza amakipe yabaye aya mbere i wayo k’umugabane w’i Burayi, kuri ubu amagambo akomeje kuba menshi ku mpande zombi.

Nk’uko tubikesha ikinyamakuru Goal.com ngo kuri ubu igikomeje kugarukwaho cyane ni amagambo y’icyubahiro umutoza w’ikipe ya Tottenham Hotspurs, Mauricio Pochettino yavuze ku mukinnyi wa Real Madrid, Isco aho yaburiye abakinnyi be avuga ko bagomba kwitondera uyu mukinnyi kuko atari buborohere mu mukino uri bubahuze, ndetse yerura ko Isco afite imikinire idasanzwe. Mauricio Pochettino aganira n’itangazamakuru yagize ati:”I think that he is one of the best and he is proving it,”I have been lucky to have seen him playing for different clubs and he has always been a player with a capacity and creativity above average.”He has reached his full potential at Real, and we will take that into account.”We know all about his magic.”

Tugenekereje mu Kinyarwanda yagize ati:”Ndatekereza ko ari umwe mu bakinnyi beza kandi na we arabyerekana. Nagize amahirwe yo kumubona akina mu makipe atandukanye ndetse ni umukinnyi ufite ubushobozi budasanzwe. Yamaze kugera ku rwego rwe rwo hejuru muri Real, ndetse turaza no kubizirikana cyane. Tuzi ibyo akora bidasanzwe byose. 

Loading...