Kera kabaye King James yahishuye icyamujyanye muri Amerika anakomoza ku mukunzi we.

Umuhanzi King James wari umaze amezi atatu atari mu Rwanda, aho yari yaragiye muri Leta Zunze Ubumwe za Amerika.Gusa Kuri ubu akaba yaramaze kugaruka mu Rwanda,yagize byinshi atangaza ku cyamujyanye muri Amerika ndetse anamara amatsiko abavugaga ko yagiye gusura umukunzi.

King James yavuze ko yagiye muri Amerika mu rwego rwo gufata amashusho y’indirimbo ze ziri kuri Album ye nshya,aho yavuze ko yafatiye amashusho y’indirimbo esheshatu muri Amerika ndetse iya mbere ikaba igomba kujya hanze mbere yuko iki cyumweru kirangira.

Benshi bahamyaga ko King James yagiye muri Amerika gusura umukunzi.

Si ibyo gusa byo gufata amashusho y’indirimbo, kuko King James yanongeyeho ko yari yaragiye no kuruhuka. Gusa ku bijyanye n’ibyo benshi bavugaga ko yaba yarajyanwe muri Amerika no kwirebera umukunzi we, King James yavuze ko atari byo anongeraho ko ibi ari ibintu amaze kumenyera cyane ndetse akomeza ashimangira ko nta mukobwa yari yagiye kureba muri Amerika.Abajijwe kandi niba muri iyi minsi yaba afite umukunzi, yanze kugira icyo abivugaho cyane ko gusa avuga  igihe nikigera azagira byinshi abitangazaho.

 

 

Source:inyarwanda

Loading...