Meddy yashyize ahagaragara indirimbo “Adi Top” igaragaramo abakobwa b’ikimero – VIDEO

Umuhanzi  Ngabo Medard Jobbert uzwi cyane ku mazina y’ubuhanzi nka Meddy yashyize hanze indirimbo ye nshya yise “Adi Top” mu gitondo cyo kuri uyu wa kane. Ni mu gihe hari hashize iminsi mike Meddy atangarije abanyarwanda, n’abandi bakunzi be abinyujije ku rukuta rwe rwa instagram ko abahishiye indirimbo nshya yise “Adi Top”.

Iyi ndirimbo yasohotse mu gitondo cyo kuri uyu wa kane, mu buryo bw’amajwi yakozwe na Pastor P  n’amashusho yakozwe na Lick Lick. Ni indirimbo iri mu rurimi rw’icyongereza, yumvikanamo amagambo umusore abwira umukunzi we, bari mu bihe byo kwishimana ati “ubuzima ni bugufi, iruhukire, nsoma, nkuvane Miami, nkujyane Mombassa, nkuvane Mombassa, dutahe i Kigali…..”. Mu mashusho y’iyi ndirimbo hagaragaramo abakobwa b’ikimero, baba banafatanya n’uyu musore kubyina.

“Adi Top” ibaye indirimbo ya kabiri Meddy ashyize hanze muri uyu mwaka wa 2018, nyuma ya Lose Control yakoranye na The Ben.