Neymar yakomoje ku hazaza he nyuma yo guca agahigo muri Ligue 1.

Ibigezweho imikino

Umukinnyi ukomoka mu gihugu cya Brazil akaba akinira ikipe ya Paris Saint Germain yo mu gihugu cy’ubufaransa witwa Neymar Jr, yamaganye amakuru amaze iminsi avuga ko ashobora kuva muri iyi kipe mu mpeshyi aho yahabwa amahirwe yo kwerekeza mu ikipe ya Real Madrid yo mu gihugu cya Espagne maze avuga ko kuri ubu arajwe ishinga n’igikombe cy’Isi kurusha ibindi byose.

Nk’uko tubikesha ikinyamakuru SkySports ngo uyu mukinnyi yavuze aya magambo nyuma yo guca agahigo ko kuba umukinnyi w’umwaka witwaye neza mu irushanwa rya Ligue 1.Ubwo Neymar yabazwaga ibyo kuva muri PSG yatangaje ko arambiwe cyane bene ibyo bibazo ndetse ashimangira ko intego ze ari ukwitabira igikombe cy’Isi kurusha kuvuga kubyo kuva muri PSG.

Neymar yagize ati:” Buri gihe duhora tuvuga bene ibyo bintu cyane cyane iyo igihe isoko ry’igura n’igurisha ry’abakinnyi rije gusa njye kuri ubu sinshaka kugira icyo mbivugaho.Buri wese azi impamvu naje aha ndetse n’intego naje mfite.Kuri ubu rero intego zanjye ni igikombe cy’Isi si ukuvuga ku byo kuva muri PSG.Namaze igihe kinini nsubiza ibibazo nk’ibi ndumva bindambiye pe!Ndumva nishimiye kuguma hano kandi iyo ntaba ndi kumwe na bagenzi banjye hano simba nabashije gutwara iki gihembo.”

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *