NTIBISANZWE: Umukobwa washyingiwe adafite umugabo yatunguye abatari bake.

Ibigezweho izindi nkuru

Muri rusange tumenyereye ishyingiranwa rya babiri ni ukuvuga umugore n’umugabo tutirengagije ko hanateye ishyingiranwa ry’abahuje ibitsina aho umukobwa n’umukobwa, umugabo ku mugabo bemeranwa kubana nk’umugabo n’umugabo. Gusa ntitwari tumenyereye uwiyemeza kwiyambika impeta akibera umugore yewe n’umugabo.Kuri ubu rero haravugwa umukobwa ukomoka mu gihugu cy’abaturanyi cya Uganda wiga mu kiciro cya kabiri Kaminuza, kubera igitutu cy’ ababyeyi byatumye afata icyemezo cyo gushyingiranwa nawe ubwe.

Uyu mukobwa witwa Lulu Jemimah w’ imyaka 32 wiga muri Kaminuza yo mu Bwongereza Oxford University mu kwezi kwa munani uyu mwaka ubwo yizihizaga isabukuru ye y’ amavuko ni bwo yakoze ubu bukwe budasanzwe nk’uko Chimpreports dukesha iyi nkuru yabitangaje.
Uyu mukobwa avuga ko ababyeyi be bahoraga bamushishikariza gukora ubukwe nyamara ngo muri we icyo ashyize imbere ni ukwiga ubukwe bukaza nyuma.

Ubu bukwe budasanzwe bwabereye Quepasa bar ahitwa Kisementi, mu mujyi wa Kampala. Uyu mukobwa yatumiye inshuti n’ abaturanyi yambara agatimba ageza ijambo ku batumirwa ryumvikanyemo ko yabuze umugabo.Lulu yagize ati:“Nafashe iminota yo gusobanurira inshuti zanjye ko nta mukwe uraba ahari bamwe ntabwo ari bishya kuri bo”

Ubu bukwe bwitabiriwe n’ abagera kuri 30 bukurikiranwa n’ abanyamakuru. Nyir’ubwite byaramushimishije kuko yumva yafashe icyemezo cyiza kitamubangamiye we n’ amasomo ariko ababyeyi babaye nk’ abakubiswe n’ inkuba.Ababyeyi icyo bashishikarizaga umukobwa wabo ni ugushaka umugabo akagira abana ndetse akanagura umuryango gusa ibyo yakoze wakwibaza niba hari icyo bizafasha.
Lulu ati:“Nujuje imyaka 16 papa yanyandikiye imbwirwaruhame ngeza ku bantu mama aransegera. Muri iryo sengesho mama yansabiye kuzabona umugabo mwiza”


Uyu mukobwa yatangaje ko kandi bamwe mu nshuti ze bumvise igitekerezo cye cyo gushyingiranwa nawe ubwe bakamutwerera.Lulu yari asanzwe ari umunyamakuru wigenga anashinzwe ibijyanye n’ itumanaho mu Muryango Mpuzamahanga ushinzwe abinjira n’ abasohoka. Muri 2013 yabonye buruse yo kujya kwiga ibijyanye n’ amafilime muri kaminuza mu gihugu cya Australia, muri 2017 atangira kwigira diplome y’ ikiciro cya kabiri cya Kaminuza mu Bwongereza.

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *