Loading...

Nyuma y’igihe gito ashwanye na Selena Gomez, The Weeknd yishumbushije inkumi y’ikizungerezi yahoze ari umukunzi wa Justin Bieber.

Nyuma y’iminsi mike umuhanzikazi Selena Gomez atangaje ko yamaze gutandukana na The Weeknd, ndetse akagaragara ari mu bihe byiza na Justin Bieber bahoze bakundana, kuri ubu The Weekend na we aravugwaho kwishumbusha umukobwa w’ikizungerezi wigeze gukundana na Justin Bieber.

Selena Gomez amaze iminsi agirana ibihe byiza na Justin Bieber.
The Weeknd yafotowe ari kumwe Yovanna wahoze ari umukunzi wa Bieber.

Mu kwezi gushize nibwo hatangiye kugaragara ibimenyetso bihamya ko Justin Bieber na Selena Gomez bashobora kuba bagiye gusubirana, hadaciye kabiri bahise batangira kubyereka isi yose, bakajya bafotorwa bishimanye cyane bidasanzwe ndetse Selena Gomez afata iya mbere maze ahishura ko yamaze gutandukana na The Weeknd.The Weeknd nawe kuri ubu yahise yimara agahinda maze yishumbusha umukobwa w’umunyamideli witwa Yovanna Ventura wahoze akundana na Justin Bieber mu myaka ya za 2015.

Ni nyuma y’aho The Weeknd na Yovanna Ventura w’imyaka 21 bafotowe bari kumwe mu kabyiniriro kitwa Hyde gaherereye mu mujyi wa Los Angeles, ndetse na mbere y’aho nabwo bafotowe bari kumwe mu isabukuru y’umuraperi French Montana.

Loading...