Loading...

Nyuma yo guhatwa ibibazo na Polisi ashinjwa kwica inshuti ye ,Davido yavuze isengesho rikomeye ryakoze benshi ku mutima.

Nyuma y’iminsi mike umuhanzi Davido ukomoka muri Nigeria ashyizwe mu majwi n’umukobwa ukina filime witwa Caroline Danjuma amushinja kugira uruhare mu rupfu rw’inshuti ye yitwa Tagbo, uyu muhanzi yatumijwe na Polisi yo muri kiriya gihugu maze ahatwa ibibazo ku byaha aregwa.

Nk’uko tubikesha ikinyamakuru Daily post cyandikirwa muri Nigeria ngo ku munsi w’ejo tariki ya 11 Ukwakira nibwo Davido yitabye kuri Polisi aherekejwe n’inshuti ze, maze nyuma yo guhatwa ibibazo ku cyaha aregwa cyo kwica Tagbo ,ngo abinyujije kuri Snap Chat ahita avuga amagambo ameze nk’isengesho agaragaza ko ibyo aregwa ari ibinyoma ndetse asaba Imana gukomeza kumuha umutima udahinduka.Davido yagize ati:“My heart is pure and the world knows, please God keep my heart the same. “Please don’t give me a change of heart Lord, I shall remain a giving being.

Ngiri isengesho rya Davido.

Tugenekereje mu kinyarwanda uyu muhanzi yagize ati:”Umutima wanjye ni umuziranenge ndetse n’Isi irabizi,Mana ndakwinginze, ukomeze umpe umutima nk’uyu ,kandi ndagusabye ntuzampindurire umutima Mana yanjye, nzakomeza kuba umunyabuntu.”

Ibi Davido abivuze mu gihe hagitegerejwe ibisubizo byo kwa muganga bizemeza ikishe iyi nshuti ye, dore ko bivigwa ko yazize inzoga yahawe n’uyu muhanzi ubwo bakinaga umukino wo kunywa inzoga utsinze agahembwa.Gusa bamwe baravuga ko Tagbo yaba yarazize indwara yo kubura umwuka.

 

 




Loading...