Nyuma yo gushwana bikomeye n’umukunnyi Edinson Cavani, Neymar yagize icyo atangaza ku mubano wabo.

Ibigezweho imikino

Nyuma yo kugera mu ikipe ya Paris Saint-Germain yo mu gihugu cy’Ubufaransa avuye mu ikipe ya FC Barcelone, umukinnyi Neymar Jr yagiye agarukwaho cyane mu itangazamakuru ahanini kubera uburyo atumvikanaga na rutahizamu wa Paris Saint-Germain witwa Edinson Cavani.

Neymar Jr na Edinson Cavani bananiwe kumvikana k’umukinnyi ugomba kuzajya atera imipira y’imiterekano izwi ku izina rya Penariti mu ikipe ya Paris Saint-Germain, ndetse aba bakinnyi bombi bakaba baraje kugorwa cyane no kumvikana haba mu kibuga ndetse no hanze yacyo n’ubwo Neymar Jr yagiye abinyomoza kenshi.Aganira na Globo TV, Neymar Jr akaba yemeje ko yashwanye bikomeye na Cavani gusa ahamya ko nyuma baje kwiyunga ndetse ko kuri ubu babanye neza.

Neymar Jr yagize ati:”Ibyabaye, abantu babigize birebire cyane. Nibyo rwose, habayeho ukutumvikana hagati yanjye na Cavani, gusa twaje kubicyemura vuba vuba, nyuma y’iminsi itatu.Turi abakinnyi babiri bakomeye, gusa nanone turi abantu kandi twagombaga kubyicyemurira hagati yacu, nta n’umwe tubibwiye. Gusa itangazamakuru ryarabikabirije cyane.”

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *