Loading...

Nyuma yo gushyirwa mu majwi n’abatari bake, Oda Paccy yongeye kwigamba ku byo kwifotoza yambaye ikoma.

Umuhanzikazi Oda Paccy umaze iminsi agarukwaho cyane bitewe n’ifoto yashyize hanze yakinze urukoma ku myanya y’ibanga aho bamwe bagiye bifotoza amafoto atandukanye bamwigana, abandi na bo bakamunenga bavuga ko ibyo  yakoze bigayitse ndetse abandi bakemeza ko ari amahano, kuri ubu Paccy yongeye kumvikana avuga ko ibyo yakoze nta kibi abibonamo.

Ni mu kiganiro uyu muhanzikazi yagiranye na Magic FM ,kuri uyu wa gatanu ubwo yabazwaga kugira icyo avuga ko byo benshi bamaze iminsi bamuvugaho bamunenga kuri iriya myifotoreze , Paccy yavuze ko kuba yarifotoje yakinze urukoma ku bwambure bwe nta kibi abibonamo ndetse ko nta nka yaciye amabere ahubwo ko ari ibintu bisanzwe kuko akora ibintu yabitekerejeho. Yongeyeho ko kuba umwana we yabyaranye na Lick Lick yarabonye iyo foto nta pfunwe bimutera kuko we ngo ashobora kuzakora ibirenzeho nko kumurika imideri n’ibindi byinshi. Twibutse ko Oda Paccy yashyize hanze iriya foto mu rwego rwo kwamamaza indirimbo yitwa “Oder” yakoranye na Urban Boyz yendaga gushyira hanze ndetse na nyuma yo kujya hanze igahita yamamara dore ko ari imwe mu ndirimbo zavuzweho cyane itarasohoka bitewe n’iriya foto ya Paccy,aho buri wese yari afite amatsiko yo kuyumva.

 

Loading...