Real Madrid yamaze gutangaza umutoza mushya ugiye gusimbura Zidane.

Ibigezweho imikino

Ikipe ya Real Madrid yari imaze iminsi abantu bibaza igihe izatangariza umutoza mushya wo gusimbura Zinedine Zidane wasezeye mu minsi yashize, kuri ubu yamaze gutangaza ko umunya Espagne Julen Lopetegui utoza ikipe y’igihugu, ariwe uzasimbura Zinedine Zidane igikombe cy’isi nikirangira.

Julen Lopetegui w’imyaka 51 y’amavuko, watozaga ikipe y’Igihugu ya Espagne aho yayigiyemo avuye muri FC Porto yo muri Portugal, Niwe wahawe akazi ko gusimbura Zinedine Zidane wari umaze guhesha Real Madrid ibikombe 3 bya UEFA Champions League byikurikiranya.

Lopetegui wasinye amasezerano y’imyaka 3, azatangira akazi nyuma y’igikombe cy’isi aho benshi bemeza ko agiye guhura n’akazi katoroshye ko kugumana Cristiano Ronaldo na Gareth Bale, byagaragaye ko barangije umwaka w’imikino ushize batishimye.

Lopetegui wakinnye ruhago ari umunyezamu, ahawe akazi ko gutoza Real Madrid nyuma yo gutoza amakipe atandukanye nka FC Porto, Rayo Vallecano na Real Madrid B ndetse n’ikipe ya Espagne yafashe mu myaka 2 ishize.

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *