Loading...

Umuhanzikazi Selena Gomez yahishuye uburwayi bw’ibanga amaranye igihe kirekire, bitungura abatari bake.

Umuhanzikazi w’Umunyamerikakazi Selena Marie Gomez , yatunguye abatari bake nyuma yo guhishura ko amaze igihe kirekire afite uburwayi bw’impyiko ndetse ko yamaze gusimbuza imwe mu mpyiko irwaye.

Ngiyi ifoto ya Serena Gomez na Francia Raisa wamuhaye impyiko.

Nk’uko tubikesha Daily Mail, ngo uyu muhanzikazi w’imyaka 25 y’amavuko, yari amaze igihe kinini arwaye impyiko ariko ngo yari yaranze kubishyira mu itangazamakuru kubera impamvu ze bwite. Uyu mukobwa abinyujije kuri instagram kuri uyu wa gatatu tariki 13 Nzeri nibwo yashyize hanze ifoto  imugaragaza ari mu bitaro hamwe n’inshuti ye yitwa ” Francia Raisa “wiyemeje kumuha impyiko nzima maze yongeraho amagambo yo kumushimira ku bw’igikorwa kiza cy’ubwitange yamukoreye. Gomez yagize ati:”Finally, there aren’t words to describe how I can possibly thank my beautiful friend Francia Raisa. She gave me the ultimate gift and sacrifice by donating her kidney to me. I am incredibly blessed. I love you so much sis.”

Serena Gomez yerekana aho bamubaze.

Tugenekereje mu Kinyarwanda yagize ati:”bwa nyuma na nyuma nta magambo nabona ngo nshimire inshuti yanjye nziza Francis Raisa.Yampaye impano itagereranwa ndetse yaritanze cyane ampa impyiko ye.Ubu ndumva ndi umunyamugisha. Ndagukunda cyane muvandimwe wanjye.”

Gusa kuri ubu biravugwa ko Selena Gomez atangiye kumererwa neza kuko ngo yamaze gusimburizwa impyiko yari irwaye.

Loading...