Umuraperi Eminem yibasiye Donald Trump amubwira akari i murori.

Umuhanzi w’umuraperi Marshall Bruce Mathers III umenyerewe ku mazina y’ubuhanzi nka Eminem yibasiye bikomeye Perezida Donald Trump maze amubwira amagambo yo kumunenga kubw’ibikorwa bitandukanye akora bidahwitse.

Nk’uko tubikesha ikinyamakuru cya Billboard ngo uyu muraperi yafashe amashusho y’iminota ine yafashwe mu buryo bwa freestyle, maze ayo mashusho yerekanywa mu birori bya BET Hip-Hop Awards byabaye ku wa Kabiri, tariki 10 Ukwakira,aho Eminem yibasiyemo Perezida Trump maze avugamo byinshi byamuvuzweho byo gushyigikira abo mu muryango wa KKK, gutesha agaciro Hillary Clinton no kwirengagiza amakuba igihugu kirimo,ahubwo agaharira umwanya we mu gukoresha Twitter, Eminem Yagize ati “Dukwiye guha Obama icyubahiro akwiye kuko ibyo dufite ku butegetsi ubu ni nk’intwaro za kirimbuzi zishobora kwatsa umuriro akarimbura imbaga mu gihe ari mu mikino ye, none ngo ategereje ko ibintu bijya mu buryo, azurira indege ye azenguruke ikirere kugeza ibisasu bihagaritse urusaku.”

Si ubwa mbere Eminem yibasiye Trump ,dore ko na none yaherukaga kumuvuga nabi mbere y’uko atangira kuyobora Leta Zunze Ubumwe za Amerika.

 

Loading...