Umva amagambo akomeye Miss Rusizi yasubije abamushinja gushaka umukire akurikiye ifaranga.

Ibigezweho Mu Rwanda

Nyuma y’uko amakuru atangira kugenda amanyekana mu bantu ko Miss wa Rusizi, Umutesi Afsa w’imyaka 21 y’amavuko yamaze kwemera kuzabana akaramata n’umucuruzi w’umukire witwa Mudaheranwa Aman Casmir ufite imyaka 45 y’amavuko abenshi mu basanzwe bazi uyu mukobwa batangiye kuvuga ko atajyanwe n’urukundo ahubwo ko we akurikiye amafaranga uyu mugabo afite.Kuri ubu uyu mukobwa akaba yamaganiye kure ibyo bamushinja byose.

Ni mu gihe aba bombi bitegura gusezerana imbere y’Amategeko ku itariki ya 23 Werurwe 2018 uyu muhango ukazabera icyarimwe no gusaba ndetse no gukwa.Umutesi akaba avuga ko iby’urukundo ntawamenya ibyarwo kandi ko mu by’ukuri rujya aho rushatse, bityo rero ngo abavuga ko yaba yarakurikiye ubutunzi ngo bavuga ibyo batazi kubera ko batanazi icyamuhuje n’umukunzi we Casmir,yihebeye.

 

 

Bamaze gushyira hanze impapuro z’ubutumire.

Yagize ati:“Kuvuga ngo umuntu arakuze, ngo nkurikiye amafaranga ntabwo mbiha agaciro. Kuba naremeye kubana na we si uko nari nyobewe uko angana. Icyo mpa agaciro ni uko mukunda.”Yongeyeho ko ababyeyi be batigeze bivanga mu by’urukundo rwe na Mudaheranwa kuko ngo amahitamo ni aye si ababyeyi bamuhitiramo.Yagize ati:”Amahitamo aba ari ayanjye kandi umubyeyi ashyigikira umwana we akurikije uko yiyumva, niba naraberetse umugabo wanjye ntabwo bambwira ngo reka uyu fata uyu.”

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *