Umva amagambo ya nyuma Katauti yasize abwiye bamwe mu bakinnyi bakomeye ba Rayon Sports.

Umwe mu banyezamu bungirije mu ikipe ya Rayon Sports ‘Ndayisenga Cassim’  yatangaje inama yagiriwe n’uwari umutoza we wungirije  Ndikumana Hamad Katawuti mbere y’amasaha macye ngo yitabe Imana.

Ndayisenga Casim.

Uyu musore avuga ko mu myitozo bari bakoranye Katauti umunsi wa nyuma, ngo ariwe wabateraga amashoti akomeye ndetse na ba rutahizamu ngo yabazengereje abatera ama-takere (tackling) ngo bananiwe kumucaho ngo batsinde ibitego.

Ndayisenga Cassim yavuze ko ari mu bakinnyi bagize amahirwe yo kuvugana n’uyu mutoza amagambo yanyuma mbere y’uko ashiramo umwuka. Abajijwe ayo bagambo yavuze ko yari yuzuyemo impanuro yamuhaye amaze kuvunwa na Diarra.

Yagize ati :”Maze kuvunika kuko Diarra yari yankubise godiyo mu rubavu numva ndababaye cyane, umutoza Katawuti yahise aza arambwira  ngo Casi ngo ibintu nk’ibi umuzamu aba agomba kubyihanganira, aba agomba kugira umutima ukomeye, ngo ihangane ugaruke mu kibuga, ngo nonese Bakame agize ikibazo ari wowe uhari ufite imvune byagenda gute? wowe ihangane ukomeze urwane n’imvune”.

Nange ndamubwira nti : “Ariko coach ibintu uri kumbwira urumva aribyo? Jyewe nababaye coach”. Arambwira ati: “Icyo kintu nicyo nshaka kuzagukuramo uba ugomba kubabara ukihangana,ntabwo urabona uwo bakubita amaso akenda kuvamo bakamupfuka akagaruka?”.

Cassim yavuze ko yumvise ko ibyo umutoza Katauti amubwiye aribyo, ariko kugaruka mu kibuga biramunanira kuko yababaraga ndetse n’umuganga ahita aganira na Katauti amwumvisha ko umunyezamu yababaye atagaruka mu kibuga.

Cassim yakomeje avuga ko imyitozo irangiye hari ibanga yamuhaye rizamufasha mu mikinire ye ati: ”Mu mugambo ya nyuma twavuganye jyewe n’umutoza imyitozo irangiye, ndi koga, kuko ikibuga cyari cyangiritse twasaga nabi yahise aza nanone hanyuma arampamagara, yaragiye kwirukanka we na Nova ariko arabanza anjyana ku ruhanda arambwira ati: ‘Muri iyi minsi umaze ahangaha, umaze  kuzamura urwego rw’imikinire, jya wihangana umuntu nagukoraho ubona ko nta yandi mahitamo dufite jya wihangana urwane nabwo mpaka birangiye’ Ni ibanga yansigiye ni ayo magambo twavuganye ya nyuma.”

 

Source:hose.rw

Loading...