Umva ikintu gikomeye cyatumye Alexis Sanchez ava muri Arsenal akerekeza muri Manchester United.

Ibigezweho imikino

Rutahizamu mushya wa Manchester United witwa Alexis Sanchez yatangaje impamvu nyamukuru yamuteye kuva mu ikipe ya Arsenal akerekeza muri mucyeba wayo ariwe Manchester United. Uyu munya-Chile yatangaje ko ikipe ya Manchester United ari yo kipe ikomeye cyane mu gihugu cy’Ubwongereza akaba ari nayo mpamvu nyamukuru yamuteye kuva muri Arsenal akayerekezamo.

Ni mu kiganiro uyu mukinnyi yagiranye n’uwahoze ari rutahizamu wa Arsenal witwa Thierry Henry kuri Sky Sport, aho yavuze ko impamvu yamuteye kuva muri Arsenal ari uko Manchester United ari ikipe ikomeye cyane.

Sanchez yagize agira ati :” Ndatekereza ko kuva nkiri muto kugeza ubu, ikipe ya Manchester United ari ikipe ikomeye cyane m ugihugu cy’Ubwongereza.Ntabwo mvuga ibi kuko ariyo ndimo. Ndi umunyakuri, ntabwo njya mbeshya. Ibyo nibyo ntekereza. Hari amakipe menshi akomeye, kandi kuba narakiniye Arsenal, nayo ni imwe muriyo. Ni ikipe ikomeye kandi nayibayemo. Gusa kuza aha (muri Manchester United), nkareba ku kirango cy’ikipe, bituma ntekereza ko Manchester United ikeneye kwegukana byose (ibikombe byose), kuko ari ikipe ikomeye cyane. Igitinyiro cy’ikipe ubwacyo kirivugira, Manchester United ni ikipe ikomeye cyane ku ruhando mpuzamahanga. Naje gutwara byose (ibikombe byose). Iyo bitaba ibyo ntabwo mba naraje aha.”

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *