Umwarimukazi watewe inda n’umunyeshuri we bari mu ndege akomeje kunengwa bikomeye.

Ibigezweho izindi nkuru

Umwarimu witwa Eleanor Wilson w’imyaka 29 wasambanye n’umunyeshuli we w’imyaka 16 mu bwiherero bwo mu ndege barimo, akomeje kunengwa n’abatari bake nyuma y’aho uyu munyeshuri amutamaje maze akabwira abannyeshuli bagenzi be ko uyu mwarimu yamubwiye ko agiye gukuramo inda yamuteye.

Wilson wasambaye n’umunyeshuri we, ndetse akamutera inda.

Uyu mwarimu wari usanzwe afite umukunzi, yasambaniye mu ndege n’uyu munyeshuli we mu mwaka wa 2015, ubwo yari afite imyaka 26 bavuye ku kibuga cy’indege cya London Heathrow muri Kanama.Uyu mugore Wilson ukomoka ahitwa Dursley mu Bwongereza, yamamaye mu binyamakuru ku munsi w’ejo nyuma yo gukurwaho ibirego yakurikiranwagaho n’urukiko birimo guhohotera umwana utarageza ku myaka y’ubukure akamukoresha imibonano mpuzabitsina.

Urukiko rwa Bristol rwabwiwe n’ubushinjacyaha ko uyu mwarimu wigisha ku kigo cya Bristol secondary school,ariwe watangiye gushotora uyu munyeshuli amwandikira ubutumwa bwuzuyemo amagambo y’urukozasoni no kumusembura ngo baryamana ndetse ubwo bari bicaranye mu ndege yakomeje kumukorakora birangira bagiye gusambanira mu bwiherero nk’uko The Sun dukesha iyi nkuru yabyanditse.

Wilson yahise yirukanwa ku kazi nyuma yo gusambanya umunyeshuri we.

Uyu munyeshuli yabwiye polisi ko uyu mwarimu ariwe wamuhamagaye amujyana mu bwiherero bakorana imibonano mpuzabitsina yamukuyemo imyenda.Umubyeyi w’uyu muhungu utavuzwe amazina yavuze ko yakundaga kubona ubutumwa bw’uyu mwarimu muri telefoni y’uyu mwana we akagira ngo ari kumufasha kutiheba cyane ko yari amaze iminsi atandukanye n’umukunzi we.

Ubwo uyu mwarimu wigisha Physics yabwiraga uyu munyeshuli ko yamuteye inda ndetse agiye kuyikuramo,yagize ubwoba,abikwirakwiza ku ishuli bituma ubutabera butangirana gukurikirana uyu mugore.

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *