Urubuga rwa YouTube rugiye gusiba videwo z’abatari bake(impamvu).

Umuyobozi mukuru w’urubuga nkoranyambaga rwa YouTube yatangaje ko hari abantu benshi bameza kugira akamenyero ko gushyiraho amashusho y’urukozasoni cyangwa atubahiriza amabwiriza ya YouTube bityo ngo uru rubuga rugiye gushyiraho abantu basaga ibihumbi 10 bazaba bafite akazi ko kurusukura mu mwaka utaha wa 2018.

Ni itangazo Susan Wojcicki uyobora YouTube yashyize kuri Blog ye, aho yavuze ko bitarenze umwaka wa 2018 abantu 10000 bazaba bashinzwe kugenzura ibyo abantu bashyira kuri uru rubuga niba nta kibazo byateza,hanyuma ibifite ikibazo bigakurwaho burundu. Ibi kandi ngo bigomba guhita bijyanirana no gushyiraho amabwiriza akakaye yerekeye ibyo kwamamaza no gukoresha ikoranabuhanga rigezweho,binyuze mu mavidewo ashyirwa kuri YouTube.

Yagize ati:“abagizi ba nabi babyaza umusaruro uburyo tworoshya ibintu bakayobya abantu, bakabashuka ndetse bagatukana cyangwa bakabakomeretsa.Tugiye no gukaza uburyo bwo kugenzura ibitekerezo [comments], dutangiza uburyo bushya bwo kuzisuzuma zimwe tukanazikuraho.”

Ibi bitangajwe nyuma y’uko mu mezi ashize abantu benshi bakomeje kuvuga ko hari amashusho ajya kuri YouTube atubahirije amategeko, ndetse abamamaza kuri uru rubuga bakavuga ko hari amatangazo yabo [publicite] ajya ku mashusho y’abo batavuga rumwe.

Loading...