Zinedine Zidane yatewe umujinya n’ibyo Real Madrid yamukoreye maze avuga amagambo akomeye cyane.

Ibigezweho imikino

Umutoza w’ikipe ya Real Madrid, Zinedine Zidane yatunguye abantu ubwo yamaraga igihe kinini aganira n’abakinnyi be nyuma y’umukino banganyije n’ikipe ya Celta Vigo ibitego 2-2 mu ijoro ryakeye aho yakerewe ikiganiro n’abanyamakuru, ndetse akaza gutangaza ko ababajwe cyane n’imyitwarire ikipe ya Real Madrid yagaragaje muri uriya mukino.

Nyuma y’uyu mukino wa Real Madrid, Zidane yamaze igihe kinini aganira n’abakinnyi be ndetse bituma akererwa ikiganiro n’abanyamakuru,maze bituma ibitangazamakuru byo muri Espagne bwemeza ko mu rwambariro rw’iyi kipe ibintu bitameze neza.Ubwo Zidane yaganiraga n’itangazamakuru yagaragaje ko yatewe umujinya n’uburyo ikipe ya Real Madrid yari yitwaye neza mu gice cya mbere cy’umukino ariko mu gice cya kabiri bakaza kwitwara nabi.Zidane yagize ati:” Turababaye cyane ndetse ndakajwe cyane n’uko umukino wagenze.Igice cya mbere cy’umukino cyagenze neza gusa ntitwabashije gukina iminota 90 yose neza.Mu by’ukuri twitwaye nabi mu gice cya kabiri, twakoze amakosa menshi ndetse twatakaje imipira kenshi.Gusa njye ngiye kubikurikirana ndebe impamvu zateye iriya myitwarire kuko nibyo nshinzwe.”

Twibutse ko Real Madrid igeze ku mwanya wa 4 n’amanota 32 aho ifite umukino w’ikirarane mu gihe ikipe ya FC Barcelona ifite amanota 48 mu mikino 18 imaze gukina.

Review Overview

Ntiwibagirwe gusiga igitekerezo cyawe kuri iyi nkuru

Leave a Reply

Your email address will not be published. Required fields are marked *