APR FC yatangiriye ku ntsinzi muri BK Pro League, itsinda Marine FC 4-2

APR FC yatangiriye ku ntsinzi muri BK Pro League 2026/27, itsinda Marine FC ibitego 4-2 mu mukino w’Umunsi wa Gatatu wabereye kuri Kigali Pele Stadium ku wa Gatatu tariki ya 16 Nzeri 2026.

Wari umukino wa mbere APR FC yari ikinnye muri shampiyona, nyuma yo kutitabira imikino ibiri ibanza kubera imikino ya CAF Champions League. Marine FC ni yo yafunguye amazamu ku munota wa 16, igitego gitsinzwe na Sibomana Sultan Bobo, mbere y’uko Ntirushwa Aimé yongeramo icya kabiri ku munota wa 34.

APR FC yahise isubiza, Cheikh Djibril Ouattara atsinda igitego ku munota wa 36, amakipe yombi ajya kuruhuka Marin…

e FC iri imbere 2-1. Mu gice cya kabiri, APR FC yagarutse ikomeye, Memel Dao yishyura igitego cya kabiri ku munota wa 53, mbere y’uko Ouattara atsinda icya gatatu ku munota wa 63.

Ku munota wa 82, Uwiyaremye Fidali yatsinze igitego cya kane cya APR FC ku mupira yahawe na William Togui Mel, umukino urangira ari 4-2. Cheikh Djibril Ouattara, kapiteni wa APR FC watsinze ibitego bibiri, ni we watowe nk’umukinnyi witwaye neza kurusha abandi. APR FC yahise igira amanota atatu mu mukino wayo wa mbere.