Apple Igiye Gushyira Hanze iPhone 18: Impinduka Nshya Zitezwe Ku Isoko rya Telefoni

ukorwa hakoreshejwe ikoranabuhanga rya 2nm, bigafasha telefoni kugira umuvuduko mwinshi no gukoresha umuriro neza. Hari kandi amakuru avuga ko Apple ishobora gushyiramo modem yayo nshya ya C2, mu gihe camera nayo yazamurwa, harimo camera nkuru ishobora kugira variable aperture. Camera yo imbere nayo ishobora kuva kuri 18MP ikagera kuri 24MP, bigatuma habaho iterambere mu mafoto no mu biganiro bifashisha amashusho.

Igishobora kwibandwaho cyane ni iPhone ya mbere ya Apple ifunguka, ikaba ishobora kugira screen yo hanze ya hafi 5.5 inches n’indi yo imbere ya 7.8 inches. Iyo telefoni ifunze ishobora kuba imeze nk’itelefone isanzwe, ariko yafungurwa ikagira screen nini imeze nk’iya tablet nto. Amakuru avuga ko ishobora gukoresha Touch ID, ikagira cameras ebyiri za 48MP, ndetse ikaba ifite batiri nini. Igiciro cyayo gishobora kuba kiri hagati ya $2,000 na $2,300, nubwo ibi byose bikiri amakuru ataremezwa na Apple.

Apple kandi ishobora guhindura gahunda yayo isanzwe yo gushyira hanze iPhone nshya. Aho gushyira urutonde rwose rwa iPhone 18 ku isoko icyarimwe, amakuru avuga ko Pro na Pro Max ndetse na telefoni ifunguka bishobora kuza muri Nzeri, mu gihe iPhone 18 isanzwe, iPhone 18e na iPhone Air 2 bishobora gutangizwa mu ntangiriro za 2027. Niba aya makuru azaba ari ukuri, iPhone 18 ishobora kuzana impinduka zikomeye ku isoko rya telefoni, ikongerera Apple ubushobozi bwo guhangana n’andi masosiyete asanzwe afite telefoni zifunguka.