Argentine yasezereye u Bwongereza mu buryo butangaje, Messi yongera uduhigo mu tundi
Argentine yatsinze u Bwongereza 2-1, Messi atanga imipira ibiri, igera ku mukino wa nyuma na Espagne.
Ikipe y'igihugu ya Argentine yageze ku mukino wa nyuma w'Igikombe cy'Isi cya FIFA 2026 nyuma yo gutsinda u Bwongereza ibitego 2-1 mu mukino wa ½ wabereye muri Atlanta Stadium. U Bwongereza bwafunguye amazamu ku munota wa 55, igitego cyatsinzwe na Anthony Gordon ku mupira yari ahawe na Morgan Rogers, bituma busa n'ubwegereye kugera ku mukino wa nyuma wa mbere kuva bwegukana Igikombe cy'Isi mu 1966. Ariko mu minota ya nyuma, Argentine yagarutse mu mukino. Enzo Fernández yishyuriye Argentine ku munota wa 85 ku mupira yahawe na Lionel Messi, mbere y'uko Lautaro Martínez atsinda igitego cy'intsinzi ku munota wa 90+2, na bwo ku mupira wari uvuye kwa Messi. Nyuma y'iyi ntsinzi, Argentine izahura na Espagne ku mukino wa nyuma w'Igikombe cy'Isi, mu gihe u Bwongereza buzahatanira umwanya wa gatatu na u Bufaransa.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.