Hull City yanditse amateka, Manchester United itsindirwa ku mukino wa mbere
Hull City yatangiye neza cyane kugaruka muri Premier League, itsinda Manchester United ibitego 2-0 ku mukino w’umunsi wa mbere w’iyi shampiyona, wabereye kuri MKM Stadium kuri uyu wa Gatandatu, tariki ya 22 Kanama 2026. Iyi ntsinzi yabaye iya mbere Hull City ibonye mu cyiciro cya mbere itsinze Manchester United, nyuma y’imyaka icyenda idakina Premier League.
Hull City yafunguye amazamu ku munota wa 17, ubwo myugariro Semi Ajayi yatsindaga igitego nyuma y’uko umupira wari utewe na Oli McBurnie ukubiswe n’umunyezamu wa Manchester United ukagaruka mu kibuga. Iki gitego cyahaye ikipe ya Sergej Jaki…
rovic icyizere, ndetse ikomeza kotsa igitutu ku bashyitsi.
Ku munota wa 38, Nobel Mendy, myugariro mushya waguze na Hull City muri Rayo Vallecano ku kayabo karenga miliyoni £20, yatsinze igitego cya kabiri ku mukino we wa mbere. Yatsinze n’umutwe umupira wari utewe na Regan Slater, bituma Hull City ijya kuruhuka iyoboye Manchester United ibitego 2-0.
Manchester United yagerageje kugaruka mu mukino, ndetse yagize 72% yo gutunga umupira no kurema uburyo 21 bwo gutsinda, ariko inanirwa kububyazamo ibitego. Marcus Rashford, wagarutse nyuma y’inguzanyo yakoreye muri Barcelona, yinjiye mu gice cya kabiri ariko ntiyabasha guhindura umukino. Iyi ntsinzi ya Hull City ni intangiriro idasanzwe ku ikipe yari imaze imyaka icyenda idakina Premier League, mu gihe Manchester United itangiye shampiyona itsinzwe.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.