Impamvu Morgan Rogers na Cole Palmer bashobora kuzaba inkingi za mwamba muri Chelsea ya Xabi Alonso
Morgan Rogers yavuze ko kimwe mu byamushimishije cyane nyuma yo kwerekeza muri Chelsea ari ukongera gukinana n'inshuti ye magara Cole Palmer, bavuga ko kuva bakiri muri Manchester City bahoraga bifuza kuzongera guhurira mu ikipe imwe. Rogers yageze muri Chelsea avuye muri Aston Villa ku giciro cya miliyoni £117, aho ategerejweho kongera imbaraga mu busatirizi bw'iyi kipe.
Rogers azanye ubunararibonye n'ubushobozi bwo gukina mu myanya itandukanye y'ubusatirizi. Muri Aston Villa yagaragaje ubuhanga bwo gutwara umupira ku muvuduko, gutsinda ba myugariro umwe ku wundi no kurema amahirwe y'ibitego. …
Nubwo Villa yakinaga uburyo butandukanye n'ubwa Chelsea ya Xabi Alonso, abasesenguzi bemeza ko imiterere ye y'imikinire ishobora guhuza neza n'ibyifuzo by'umutoza mushya.
Xabi Alonso akunze gukoresha uburyo bwa 3-2-2-3 mu gihe ikipe ye ifite umupira, aho ashobora gukinisha Rogers nka nimero 10 ku ruhande rw'ibumoso, mu gihe Cole Palmer yakina kuri urwo rw'iburyo, bombi bakaba bakina inyuma ya rutahizamu. Ubu buryo bwabafasha gukoresha neza ubuhanga bwabo bwo guhererekanya umupira, kurema uburyo bw'ibitego no gufasha Chelsea kugenzura umukino.
Ubushuti Rogers na Palmer bafitanye kuva bakiri bato ndetse n'ubunararibonye basangiye muri Manchester City bushobora kuba inyungu ikomeye kuri Chelsea. Nubwo bizasaba igihe kugira ngo bamenyere sisiteme ya Alonso, benshi bemeza ko ubufatanye bwabo bushobora kuzaba imwe mu ntwaro zikomeye iyi kipe izashingiraho mu rugendo rwa shampiyona ya 2026/27.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.