Mason Haynes warinze Kim Kardashian na Kris Jenner yapfuye

yubatse izina rikomeye nk'umurinzi wizewe n'ibyamamare byinshi, aho yigeze gukorana n'abarimo Kim Kardashian, Kris Jenner, Kanye West, Kevin Hart, Nicki Minaj, Charlie Puth na Lewis Hamilton. Yatangiye umwuga w'uburinzi akiri mu myaka ya za 20, akorera sosiyete ya Scorpion Security, mbere yo kwinjira mu mirimo yo kurinda abantu ku giti cyabo. Umuryango wa Kardashian-Jenner wabaye mu bakiriya ba mbere bamugiriye icyizere, ibintu byamufashije kubaka umwuga wamugize umwe mu barinzi bazwi cyane mu Bwongereza no ku rwego mpuzamahanga. Mason Haynes yanamenyekanye cyane nyuma yo kuba umwe mu bagize itsinda ry'abarinzi ba Kim Kardashian mu gihe yamburwaga ibintu by'agaciro n'abajura bitwaje intwaro i Paris mu Bufaransa mu 2016. Nubwo yigeze kuvuga kuri icyo gikorwa, yavuze ko atashoboraga gutangaza byinshi kubera ibanga ry'umwuga we. Sosiyete Trojan Security UK yakoreraga yamwunamiye imusobanura nk'umugabo w'indashyikirwa wagize uruhare rukomeye mu rwego rw'umutekano w'ibyamamare. Abamuzi na bo bamwibutse nk'umuntu wagiraga umutima mwiza, ukunda gufasha abandi, usetsa abantu kandi ugatanga inama nziza. Uretse akazi ko kurinda ibyamamare, Haynes yari yaratangiye no kwibanda ku bikorwa byo kurwanya ihohoterwa n'itotezwa (anti-bullying), agaragaza ko yashakaga gukoresha ubunararibonye bwe mu gufasha urubyiruko n'abandi bahura n'ibibazo bitandukanye.