Menya Justin Bieber uzasusurutsa abazitabira umukino wa nyuma w'Igikombe cy'Isi cya FIFA 2026
Umuhanzi w'icyamamare ukomoka muri Canada, Justin Drew Bieber, ufite imyaka 32, ni we uzasusurutsa abazitabira umukino wa nyuma w'Igikombe cy'Isi cya FIFA 2026, kimwe mu bitaramo bitegerejwe cyane muri uyu mwaka. Justin Bieber yavutse ku wa 1 Werurwe 1994 i London, mu Ntara ya Ontario muri Canada. Yatangiye kumenyekana akiri umwana binyuze ku mashusho y'indirimbo yashyirwaga kuri YouTube na nyina, Pattie Mallette. Nyuma yaje kuvumburwa n'umushakashatsi w'impano Scooter Braun, watumye atangira umwuga we ku rwego mpuzamahanga. Mu 2010 yamamaye ku rwego rw'Isi nyuma yo gusohora album My World 2…
.0, yariho indirimbo "Baby" yamugize icyamamare mu rubyiruko. Nyuma yakomeje gushyira hanze ibihangano byakunzwe cyane birimo "Sorry", "Love Yourself", "What Do You Mean?", "Peaches", "Stay" n'izindi zamushyize mu bahanzi bakomeye ba Pop na R&B. Mu rugendo rwe rw'umuziki, Bieber yegukanye ibihembo bikomeye birimo Grammy Awards, American Music Awards na Billboard Music Awards, ndetse yandika amateka mu bitaramo n'ingendo z'umuziki ku Isi. Nubwo yahuye n'ibibazo birimo igitutu cyo kuba icyamamare akiri muto ndetse n'uburwayi bwa Ramsay Hunt Syndrome bwatumye ahagarika bimwe mu bitaramo bye, Justin Bieber yakomeje kugaruka mu muziki no gukomeza gufasha ibikorwa by'urukundo no kwita ku buzima bwo mu mutwe. Kuba yaratoranyijwe kuzaririmba mu birori bibanziriza umukino wa nyuma w'Igikombe cy'Isi cya FIFA 2026 ni ikimenyetso cy'uko akomeje kuba umwe mu bahanzi bafite izina rikomeye ku rwego mpuzamahanga. Biteganyijwe ko azaririmba zimwe mu ndirimbo ze zakunzwe cyane imbere y'abarenga ibihumbi bazitabira uwo mukino ndetse na miliyoni z'abazawukurikirana ku Isi.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.