Amafoto : Rayon Sports yamuritse ikipe izahatanira ibikombe muri 2026/27 kuri Rayon Day 2026
Mu birori bya Rayon Day 2026 byabereye muri Kigali Pelé Stadium, Rayon Sports yamurikiye abakunzi bayo ikipe izahagararira Gikundiro mu mwaka w'imikino wa 2026/27, ishimangira intego yo kongera guhatanira ibikombe imbere mu gihugu no mu marushanwa mpuzamahanga. Uyu muhango witabiriwe n'ibihumbi by'abafana, wabaye umwanya wo kumenyekanisha ku mugaragaro abakinnyi bashya, abasanzwe ndetse n'abatoza bazatangirana n'iyi kipe umwaka mushya w'imikino. Mu bakinnyi bamuritswe harimo abanyezamu bayobowe na Dande Junior, ba myugariro barimo Alexandre Bikorimana, Kabange Emmanuel na Obed Uwumukiza, ab…
akina hagati nka Muderi Akbar, Issa Djiguiba na Ibrahim Djingarey, ndetse na ba rutahizamu barimo Antonio Atisso Kodjo, Boris Gbenou na Nizeyimana Mubarak, bitegerejweho kongerera imbaraga ubusatirizi bwa Rayon Sports. Ikipe izakomeza gutozwa na Francis Haringingo, azaba yungirijwe na Habimana Sosthene na Dusange Sacha, mu gihe Mwambari Serge azita ku kongerera abakinnyi imbaraga, naho Hugo Tricárico atoze abanyezamu. Rayon Day 2026 yanaranzwe n'ibirori bitandukanye by'imyidagaduro ndetse n'umukino wa gicuti wahuje Rayon Sports na Gor Mahia yo muri Kenya, ariko icyibanze cyari ukwereka abafana isura nshya y'ikipe yiteguye guhatanira ibikombe muri uyu mwaka w'imikino.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.