Russell Westbrook asezeye gukina Basketball
Umunyamerika Russell Westbrook, umwe mu bakinnyi bakomeye bagize amateka ya NBA, yatangaje ko asezeye gukina Basketball nk’uwabigize umwuga ku myaka 37. Yabitangaje ku wa Gatatu, tariki ya 13 Kanama 2026, abinyujije ku mbuga nkoranyambaga, aho yashyizeho amashusho arimo ijwi ry’umukinnyi wa filime Michael B. Jordan. Westbrook yavuze ko hari igihe umuntu atamenya igihe cy’iherezo, ariko ko amaherezo agomba kugera kuri icyo gihe.
Westbrook yari ari mu bakinnyi bashakishwaga na Sacramento Kings na Washington Wizards, ariko yahisemo guhagarika gukina Basketball y’ababigize umwuga. Mu myaka 18 yamaz…
e muri NBA, yakiniye Oklahoma City Thunder, Houston Rockets, Washington Wizards, Los Angeles Lakers, Los Angeles Clippers, Denver Nuggets na Sacramento Kings, ari na yo kipe yasorejemo umwuga we.
Westbrook asize amateka akomeye muri NBA, aho yakoze triple-doubles 209, umubare utaragerwaho n’undi mukinnyi muri uyu mukino. Triple-double iboneka iyo umukinnyi agejeje nibura ku manota 10, rebounds 10 ndetse na assists 10 mu mukino umwe. Muri shampiyona ya 2016/17, yakoze triple-doubles 42, aba umukinnyi wabikoze kenshi mu mwaka umwe w’imikino, ndetse ahabwa igihembo cya MVP.
Mu myaka 18 yakinnye muri NBA, Westbrook yatsinze amanota 27,176, aba umwe mu bakinnyi batsinze amanota menshi mu mateka y’iyi shampiyona. Asezeye asize umurage ukomeye, cyane cyane ku bijyanye na triple-doubles, aho akomeje kuyobora abandi bakinnyi bose mu mateka ya NBA.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.