Zendaya yafashe icyemezo gikomeye nyuma y’umwaka wamusabye byinshi muri Hollywood
Zendaya yahisemo gufata akaruhuko muri sinema nyuma y’umwaka waranzwe n’imishinga ikomeye, agaragaza ko no muri Hollywood kwita ku buzima no kuruhuka ari kimwe mu byubaka umwuga urambye.
Mu gihe benshi mu bakinnyi ba filime bahatanira gukomeza kugaragara muri buri mushinga mushya, Zendaya Maree Stoermer Coleman, umukinnyi wa filime ufite imyaka 29 ukomoka muri Leta Zunze Ubumwe za Amerika, we yahisemo kubanza kwita ku buzima bwe no gufata akaruhuko. Uyu mukinnyi wamamaye cyane muri serial Euphoria, ndetse no muri filime nka Spider-Man, Dune na Challengers, yatangaje ko agiye kuba ahagaritse by'agateganyo kwakira indi mishinga nyuma y'umwaka wa 2026 waranzwe n'akazi kenshi. Muri uyu mwaka gusa, Zendaya yagaragaye mu mishinga itanu ikomeye irimo Euphoria Season 3, The Drama, T…
he Odyssey, Spider-Man: Brand New Day na Dune: Part Three. Uretse gukina izi filime, yanitabiriye ingendo nyinshi zo kuzimenyekanisha hirya no hino ku isi, ibintu avuga ko byamusabye imbaraga nyinshi. Yavuze ko nubwo akunda umwuga we, kugenda buri munsi, kwitabira ibiganiro n'ibirori no gukomeza kuba mu kazi igihe kinini bishobora kunaniza umuntu, bityo ko akeneye igihe cyo kuruhuka no kongera kwisuganya. Icyemezo cya Zendaya kije mu gihe ibiganiro ku buzima bwo mu mutwe n'uruhare rwo kuruhuka ku byamamare bikomeje kwiyongera muri Hollywood. Mu myaka yashize, abakinnyi n'abaririmbyi batandukanye bagiye bafata ibyemezo nk'ibi kugira ngo babanze bitabweho aho gukomeza gukora batitaye ku buzima bwabo. Nubwo agiye kuba adakunze kugaragara mu ruhame, abakunzi ba sinema ntibazabura kumubona kuko filime zirimo The Odyssey, Spider-Man: Brand New Day na Dune: Part Three zitegerejwe gusohoka mu bihe biri imbere.
Les articles publiés par les utilisateurs engagent uniquement leurs auteurs. YEGOB n’est pas responsable des opinions, informations ou contenus publiés par les utilisateurs. Si un contenu porte atteinte à vos droits ou enfreint la loi, contactez-nous : nous l’examinerons et, si nécessaire, le supprimerons dans les meilleurs délais.
No comments yet. Be the first.