Gahunda ya Mark Zuckerberg yo gusimbuza abakozi ba Meta n’ubwenge buhangano yagize imbogamizi

anya abakozi hafi 10% muri Gicurasi, mu gihe abakozi benshi bari batangiye kwibaza ku hazaza h’imirimo yabo. Bamwe bagaragazaga impungenge ko ikoranabuhanga bari gufasha guteza imbere rishobora kuzabasimbura, bituma morale n’icyizere mu bakozi bigabanuka.

Ikindi kibazo cyagaragaye ni uko AI itatanze umusaruro wari witezwe ku muvuduko abayobozi ba Meta bari biteze. Nubwo abakozi batangiye gukoresha AI cyane mu gukora code no mu zindi nshingano, umusaruro ugera ku bakoresha ntiyazamutse ku kigero kimwe. Hanagaragaye ibibazo bya tekiniki n’umutekano byiyongera, bituma abakozi bamwe bamara igihe kinini bakemura ibibazo byatewe n’imikoreshereze y’ikoranabuhanga rishya.

Mu ntangiriro za Nyakanga, Zuckerberg yemeye ko hari ibyo yari yaribeshyeho ku muvuduko AI agents zizatera imbereho, avuga ko ikoranabuhanga ritari ryihuta nk’uko yari abyiteze. Nubwo gahunda yo kugabanya abakozi mu cyiciro cya kabiri yahagaritswe, Meta iracyakomeje gushora imari nini muri AI. Ubu ikigo kiri gushaka uburyo bwo gukoresha AI mu kongera ubushobozi bw’abakozi no kunoza imikorere, aho kwishingikiriza ku gusimbuza abakozi benshi burundu.