“Tom Close avuga ko yabonye impano ya The Ben mbere y’uko isi imumenya: ‘Nari nzi impano ye kurusha uko we yari ayizi’”.

” Uyu muhanzi yavuze ko ubwo yari amaze gutangira kumenyekana, yahaga The Ben amahirwe yo kugaragara mu ndirimbo ze, nubwo abantu benshi batari bazi ko ijwi bumvaga ari irye. Ati: “Njyewe ndakora aramenyekana abigizemo uruhare, kuko zimwe mu ndirimbo natangiriyeho ijwi rye ryumvikanagamo abantu batanabizi ko ari we.” Tom Close yavuze ko kubona The Ben ajya muri studio gukora indirimbo ye ya mbere bitari ibintu byoroshye, kuko byasabye kumushishikariza inshuro nyinshi ndetse rimwe na rimwe hakabaho no kutumvikana. Ati: “Twagiye dushwana kenshi yanga kujya muri studio. Gukora indirimbo bwa mbere byasabaga nk’intambara. Imana ishobora kuba yaranshyize mu buzima bwe kugira ngo musunike atangire, ariko impano yo yari ayifite.” Yongeyeho ko na The Ben yamufashije mu gihe yari akiri mu rugendo rwo kumenyekana, agaragaza ko gutsinda kwabo kwabaye umusaruro wo gufashanya. Aba bahanzi bombi bakomeje kugaragaza ubucuti bwabo binyuze mu bikorwa bitandukanye, harimo indirimbo “Thank You” yabahuje ikanakundwa cyane n’abakunzi b’umuziki nyarwanda. Amateka y’ubufatanye bwabo yatangiye ahagana mu 2007, ubwo Tom Close yatangiraga gufasha The Ben kwinjira mu muziki. Mu myaka yakurikiyeho, The Ben yakundaga kumuherekeza mu bitaramo, cyane cyane muri Kaminuza Nkuru y’u Rwanda i Butare, mbere y’uko na we atangira kumenyekana ku giti cye. Uyu munsi, Tom Close na The Ben ni bamwe mu bahanzi bagize uruhare rukomeye mu mateka y’umuziki nyarwanda, aho urugendo rwabo rugaragaza akamaro ko kubona impano y’undi no kuyitera inkunga hakiri